यावल ( प्रतिनिधी )विकी वानखेडे
मुख्य बाजारपेठेतील सराफा दुकानातील भरदिवसा पडलेल्या धाडसी शस्त्र दरोडयातील आरोपींचा शोध सुरू असतांना येथील एका दुध डेअरीच्या मालकाच्या हातातुन महागडा मोबाईल चोरटयांनी मोटरसायकल येवुन हातातुन लांबविल्याची घटना घडली असुन, चोऱ्यांचे प्रकार थांबता थांबत नसल्याचे स्पष्ठ झाले आहे. या संदर्भात मिळालेली माहिती अशी दिनांक ११ जुलै रोजी ८ , ३० वाजेच्या सुमारास बुऱ्हाणपुर अंकलेश्वर राज्य मार्गावरील पॅट्रोल पंपा समोरील आठवडे बाजार जवळ असलेल्या शबनम दुध डेअरीचे चालक शेख दानिश शेख युसूफ हा रस्त्याने जात असतांना मागील बाजुने मोटरसायकल वरून येणाऱ्या अज्ञात चोरट्यांनी हातातुन२५ हजार रुपये किमतीचा महागडा मोबाईल घेवुन पोबारा केला . या बाबत शेख दानिश शेख युसुफ यांनी यावल पोलीसात मोबाईल चोरीस गेल्याची तक्रार दाखल करण्यात आली असुन , पॅट्रोल पंपावरील लावण्यात आलेल्या सिसिटीव्हीच्या कॅमेऱ्यात मोबाइल चोरटे कैद झाले आहे . दरम्यान यावल शहरात व परिसरात चोरट्यांकडुन काही ठिकाणी घरात घुसुन चोरीचा प्रयत्न केल्याची चर्चा होत आहे मात्र याची पोलीसात अधिकृतरित्या कुठही नोंद नसल्याची माहीती मिळाली आहे . दरम्यान पोलीस स्टेशन पासुन हाकेच्या अंतरावर असलेल्या पंपावर समोर झालेल्या अशा प्रकारच्या लागोपाठ होणाऱ्या रस्तालुट व दरोडयाची घटना व मग ही चोरांकडुन मोबाइल लांबविण्याच्या घटनांमुळे सर्वसामान्य नागरीकांपासुन व्यापारी वर्गात भितीचे वातावरण पसरले आहे .
