शेगाव: राज्य परिवहन महामंडळ एसटी बसच्या चालक वाहक सहसर्व कर्मचाऱ्यांनी महामंडळाचे राज्य शासनात विलीनीकरण व्हावे या व इतर मागण्यांकरिता बेमुदत संप पुकारला आहे आज नोव्हेंबर रोजी राष्ट्रीय स्तरावर महिलांसाठी कार्यरत असलेल्या मातृशक्ती संघटनेच्यावतीने राष्ट्रीय अध्यक्ष सौ वैशाली ताई तायडे यांच्या मार्गदर्शनाखाली संघटनेच्या कडून न्यायोचित मागण्यांसाठी सुरू असलेल्या संपाला पूर्णपणे पाठिंबा जाहीर करण्यात आला मातृशक्ती संघटनेच्या राष्ट्रीय अध्यक्ष वैशाली तायडे यांच्यासह राष्ट्रीय कोषाध्यक्ष मुक्ताताई ठाकूर राष्ट्रीय संघटक सौ. लीना भारंबे पाटील, मातृशक्ती संघटनेच्या बुलढाणा जिल्हा उपाध्यक्ष सौ रजनी ताई चव्हाण, ज्येष्ठ सदस्य सो मीराताई माळी, सौ अर्चना ताई कंकाळे यांनी आज बुधवार 10 नोव्हेंबर रोजी राज्य परिवहन महामंडळाच्या शेगाव आगारातील कर्मचाऱ्यांनी सुरू केलेल्या शेगाव बस स्थानकासमोरील आंदोलन स्थळावर भेटी देऊन संघटनेच्यावतीने पाठिंब्याचे लेखी पत्र शेगाव बस आगारातील कर्मचारी संघटनेचे अध्यक्ष महेश बुरुंगले महिला कर्मचारी कुमारी विद्या गिरी, शीतल कोगदे, संध्या गवळी ललिता अरुळकर, सरिता फुके ,रूपाली ताथोड, प्रिया ताथोड, प्रतिभा बोधे, सुशीला गवई उज्वला शिरसाट छायाताई पुणवे, यांच्या उपस्थितीमध्ये पाठिंब्याचे पत्र सोपविण्यात आले राज्य परिवहन महामंडळाच्या शेगाव आगारातील संपकरी कर्मचाऱ्यांनी मातृशक्ती संघटनेचे या पाठिंबा बद्दल आभार व्यक्त केले यावेळी मातृशक्ती संघटनेच्या सर्व मुक्ताताई ठाकूर व सो मीराताई माळी यांनी राज्य शासनाने परिवहन महामंडळाच्या कर्मचाऱ्यांचा न्यायोचित मागण्या त्वरित मंजूर करून महामंडळाला राज्य शासनामध्ये विलीनीकरण करावे अशी मागणी केली आहे व श्री संत गजानन महाराज राज्यकर्त्यांना तशी सदबुद्धी देवो अशी प्रार्थना केली
