सिंदखेड राजा (सचिन खंडारे )
शिवजयंतीनिमित्त लोकसंघर्ष मोर्चा जळगाव व्दारा आयोजित केलेल्या खुल्या बुद्धिबळ स्पर्धा 19 व 20 फेब्रुवारी 2021 ला पार पडल्या. यामध्ये देऊळगाव माळी ता.मेहकर येथील ग्रामीण भागातील देवानंद विष्णू राजगुरू याने 10 वर्षे वयोगटांमध्ये द्वितीया क्रमांक पटकावून गावाचे नाव बुलढाणा जिल्ह्यामध्ये नव्हे तर जळगाव जिल्ह्यामध्ये सुद्धा उंचावून दिले.
आयोजित स्पर्धेमध्ये दे.माळी येथील 9 स्पर्धकांनी सहभाग नोंदविला होता. यामध्ये देवानंद राजगुरू, कु.दिव्या मगर, प्रथमेश बळी, तेजस राजगुरू, कु.श्यामबाला काळे, विनायक मगर, कु.पुनम गिरी, विष्णू राजगुरू, विश्वनाथ मगर, यांनी स्पर्धेमध्ये भाग घेतला होता. यामध्ये सर्वांनीच चांगला खेळ खेळून परीक्षकाची मने जिंकली. यामधून देवानंद राजगुरू यांनी द्वितीय क्रमांक मिळवून विजय प्राप्त केला. त्यांच्या या यशाबद्दल जळगावचे जिल्हाधिकारी अभिजित राऊत यांनी त्याचे कौतुक करून पुढील वाटचालीसाठी शुभेच्छा दिल्या. त्याच्या यशाबद्दल दे.माळी सर्वत्र कौतुक होत आहे. त्याच्या यशस्वीतेसाठी विष्णू राजगुरू सर, विश्वनाथ मगर सर यांनी मार्गदर्शन केले.
