यावल ( प्रतिनिधी ) विकी वानखेडे
तालुक्यातील वड्री येथील विविध कार्यकारी सहकारी सोसायटीच्या चेअमरनपदी उमाकांत प्रभाकर पाटील यांची तर व्हाईस चेअरमनपदी रमेश सोना सावळे यांची निवड करण्यात आली आहे . वड्री तालुका यावल येथील विविध कार्यकारी सहकारी सहकारी सोसायटीची पंचवार्षीक निवडणुक नुकतीच संपन्न होवुन , यात भाजपा पुरस्कृत जिल्हा परिषदच्या मावळत्या सदस्या सौ सविता अतुल भालेराव यांच्या नेतृत्वाखाली शेतकरी विकास पॅनलच्या माध्यमातुन या निवडणुकीत सर्व जागांची बिनविरोध निवड झाली होती . आज दिनांक ४ मार्च रोजी वड्री विविध कार्यकारी सहकारी सोसायटीच्या सभागृहात जिल्हा परिषदच्या मावळत्या सदस्या सौ सविता अतुल भालेराव यांच्या प्रमुख उपस्थितीत सोसायटीची चेअरमन व व्हाईस चेअरमनपदाच्या निवडी करीता घेण्यात आलेल्या सभेत चेअरमनपदी उमाकांत प्रभाकर पाटील यांची तर व्हाईस चेअरमनपदी रमेश सोना सावळे यांची बिनविरोध निवड करण्यात आली आहे . यावेळी या वेळी चेअरमन आणि व्हाईस चेअरमन निवडीच्या सभेला नवनिर्वाचित संचालक लिलाधर भगवान चौधरी , व्ही पी चौधरी , प्रमोद चौधरी , पकंज चौधरी , सचिन चौधरी , फत्तु तडवी, लुकमान तडवी, मुबारक तडवी , भागवत भालेराव , रेखा सुनिल पाटील , छाया रविन्द्र पाटील यांच्या सरपंच अजय भागवत भालेराव , अतुल भालेराव आदी प्रमुख मान्यवर यावेळी उपस्थित होते . या सभेत निवडणुक निर्णय आधिकारी म्हणुन संदीप शिंदे हे होते तर त्यांना संस्थेचे सचिव सुनिल सुरवाडे व शिपाई शब्बीर तडवी यांनी सहकार्य केले . यावेळी नवनिर्वाचीत चेअरमन व व्हाईस चेअरमन यांच्यासह संचालकांचे सौ . सविता भालेराव यांच्या हस्ते स्वागत सत्कार करण्यात आले उपस्थितांचे आभार सचिव सुनिल सुरवाडे यांनी मानले .
