सचिन वाघे वर्धा हिंगणघाट प्रतिनिधी,
दोन कुटुंबियामिळून घरी एकच संडास असल्याने झालेल्या वादातुन एकमेकांना गंभीर मारहाण केल्याची घटना आज सकाळी शहरातील संत ज्ञानेश्वर वार्ड येथे घडली.
स्थानिक संत ज्ञानेश्वर वार्ड येथील रहिवासी अनिल भलमे (४०) यांचे कुटुंबिय एकाच घरी राहतात, जुने वडीलोपार्जित घर आहे. दोन्ही कुटुंबिय मिळून एकच संडास असल्याने कुटुंबियात संडासचे वापरावरुन नेहमी वाद होत असतो.
आज सकाळीसुद्धा संडासचे वापरावरुन दोन्ही कुटुंबियांत वाद झाला. वादाचे पर्यवसान लाठीकाठीसह हल्ल्यात झाले.
यात कुटुंबियांपैकी नाना भलमे याचेवरकाठी व विटेने वार करीत गंभीर जखमी करण्यात आले,
जखमी नाना भलमे यास उपचारार्थ स्थानिक उपजिल्हा रुग्णालयात दाखल केले असता डॉक्टरांनी त्यास पुढील उपचारासाठी सेवाग्राम रुग्णालयात पाठविले.
