हिंगणघाट दि.२९
भारतीय लोकसेवा आयोगाच्या २०२० परीक्षेत भारतातून संकेत वाघे याने २६६ वा क्रमांक प्राप्त करीत हिंगणघाट शहराचाच नव्हे तर वर्धा जिल्ह्याचाही गौरव वाढविला आहे.
केंद्रीय लोकसेवा आयोगाची प्रतिष्ठित समजली जाणारी स्पर्धा परीक्षा पास करुन संकेत वाघे याने मिळविलेल्या नेत्रदीपक यशाने हिंगणघाटकर अत्यंत आनंदी दिसुन येत असून संकेतचे शहरात जंगी स्वागत करण्यात आले.
आज दि.२९ रोजी संकेतच्या स्वागतपर शहरात साई मित्रपरिवार तसेच शहरातील नागरिकांच्यावतीने ढोलताशांच्या गजरात विजयी रैलीचे आयोजन करण्यात आले.
शहरात आगमन होताच सकाळी १० वाजताचे दरम्यान शिवाजी पार्क येथिल छत्रपती शिवाजी महाराज यांच्या पुतळ्याला वंदन करून संकेत बळवंतराव वाघे याची वाजत गाजत मिरवणूक निघाली. या दरम्यान त्याचे अनेक संस्थासंघटनांकडून हारतुरे देऊन अभिनंदन करण्यात आले.
स्थानिक जयस्तंभ चौक येथे संकेत वाघे याचे हस्ते महात्मा गांधी यांचे प्रतिमेला पुष्पमाला अर्पण केली.
संकेत वाघे याचे शालेय शिक्षण हिंगणघाट येथेच झाले असून पुढील शिक्षण रामकृष्ण मठ येथे राहून घेतले आहे.
सूर्या मराठी न्यूज साठी सचिन वाघे वर्धा
