यावल ( प्रतिनिधी )विकी वानखेडे
जीवनात पक्षीय वाद वेगळी बाब आहे मात्र समाज उपयोगी हित जोपासताना व्यक्तिगत द्वेष करता कामा नये असे मनोगत राज्याचे पाणीपुरवठा व स्वच्छता मंत्री तथा पालकमंत्री गुलाबराव पाटील यांनी येथील कृषी उत्पन्न बाजार समितीच्या वतीने उभारलेल्या चाळण व प्रतवारी यंत्रणेच्या लोकापर्ण व नामकरण सोहळ्याप्रसंगी अध्यक्षपदावरून व्यक्त केले खासदार रक्षा खडसे, भाजपा जिल्हाध्यक्ष आमदार राजू मामा भोळे कार्यक्रमाचे प्रमुख पाहुणे म्हणून उपस्थित होते.
येथील कृषी उत्पन्न बाजार समितीच्या वतीने शेतकऱ्यांच्या धान्यासाठी चाळण व प्रतवारी यंत्रणा उभारली आहे या प्रकल्पाचे माजी खासदार तथा माजी आमदार हरिभाऊ जावळे असे नामकरण करण्यात आले , कार्यक्रमाचे उद्घाटन पालकमंत्री ना . गुलाबराव पाटील यांचे हस्ते झाले याप्रसंगी पालकमंत्री गुलाबराव पाटील बोलताना म्हणाले की, स्वर्गीय हरिभाऊ जावळे एक अजातशत्रू होते शेतकऱ्यांच्या हितासाठी त्यांनी आपले राजकीय आयुष्य खर्च केले आहे नामदार पाटील यांनी हरिभाऊ जावळे यांचे समवेत विधानसभेत घालविलेल्या क्षणानाही या कार्यक्रमाप्रसंगी उजाळा दिला स्वर्गीय हरीभाऊ जावळे शेतकऱ्यांच्या हितासाठी लढले त्यांची एक आठवण म्हणून बाजार समितीच्या वतीने उभारलेल्या या शेतकऱ्यांच्या प्रकल्पाला त्यांचे नामकरण दिल्याबद्दल त्यांनी कृषी उत्पन्न बाजार समितीच्या संचालक मंडळाचे कौतुक करून त्यांच्या या कार्याचे समाधान व्यक्त केले
तालुक्याच्या विकासासाठी सर्व पक्षांनी एकत्रित यावे असे आवाहनही त्यांनी याप्रसंगी केले व्यासपीठावर भाजपाच्या खासदार रक्षाताई खडसे जिल्हाध्यक्ष तथा आमदार राजू मामा भोळे हे असतांना त्यांनी भाजप आणि सेनेची जुनी मैत्री असल्याची आठवण करून देत वर्षभरापुर्वीच आपली मैत्री तुटल्याचे सांगून राज्यात आमची तर केंद्रात तुमची सत्ता असल्याचे म्हणत तालुक्याच्या सर्वांगीण विकासासाठी तुम्ही केंद्रातून निधी आणा आम्ही राज्यातून आणतो असे म्हणून त्यांनी सभागृहाला हसवलं, बाजार समितीच्या वतीने आयोजित या कार्यक्रमास काँग्रेस व राष्ट्रवादी भाजपासह सेनेच्या सर्व पदाधिकाऱ्यांना निमंत्रित केले होते मात्र या कार्यक्रमास सेना व भाजपा व्यतिरिक्त कोणत्याही पक्षाचे पदाधिकारी उपस्थित नव्हते त्यामुळे हा कार्यक्रम केवळ भाजपा – सेनेचा असल्याची चर्चा कार्यक्रमाच्या ठिकाणी होती.
याप्रसंगी खासदार रक्षा खडसे आमदार राजू भोळे यांनीही आपले मनोगत व्यक्त केले व्यासपीठावर म.सा .का. चेअरमन शरद महाजन यावलच्या नगराध्यक्ष नौशाद तडवी, माजी नगराध्यक्ष सुरेखा कोळी, जिल्हा परिषद सदस्य सविता भालेराव, पंचायत समिती सभापती पल्लवी चौधरी, भाजपाचे जिल्हा सरचिटणीस हर्षल गोवींदा पाटील, जळगाव जिल्हा बँकेचे संचालक गणेश नेहते , भाजपा तालुका अध्यक्ष उमेश फेगडे ,शहर अध्यक्ष डॉ. निलेश गडे , शिवसेनेचे शहरप्रमुख जगदीश कवडीवाले निवासी नायब तहसीलदार के पवार ,भुसावळ नगर परिषदचे उपनगराध्यक्ष प्रमोद नेमाडे, शिवसेनेचे माजी तालुकाप्रमुख कडु पाटील , संतोष धोबी, पप्पू जोशी , कृषी उत्पन्न बाजार समितीचे सभापती तुषार (उर्फमुन्ना ) पाटील, उपसभापती उमेश पाटील , संचालीका कांचन फालक, भाजपाचे तालुका सरचिटणीस विलास चौधरी, उज्जैनसिंग पाटील आदींची उपस्थित होती कार्यक्रमाची सुरुवात स्वर्गीय जावळे यांचे प्रतिमेस पुष्पहार अर्पण करून मान्यवरांच्या हस्ते दीपप्रज्वलन करून करण्यात आली.
प्रास्ताविक तुषार ( उर्फमुन्ना ) पाटील तर सूत्रसंचालन प्राध्यापक जतिन मेढे यांनी केले तर आभार कृषी उत्पन्न बाजार समितीचे उपसभापती उमेश पाटील यांनी व्यक्त केले .
