सचिन वाघे वर्धा
हिंगणघाट 28.4.21 तालुक्यातील ९ कि.मी अंतरावरील असलेले सेलू (मु.) हे गाव ११०० लोकसंख्या वस्तीचे असून वाढत्या कोरोना प्रादुर्भावाचे महत्त्व लक्षात घेता सर्व गावकरी मंडळीचे “कोविड-१९ रोगाचे तपासणी शिबीर” सोमवारला घेण्यात आले असता ह्यामध्ये तपासणी पथकाने सोबत कोविड तपासणी किट पुरेशी न नेल्याने केवळ ११०० लोकांच्या मधून २५१ गावकरी लोकांची तपासणी करण्यात आली व त्यापैकी ५१ व्यक्ती हे कोरोना प्रादुर्भावाचे बाधित रुग्ण आढळून आल्याने गावातील ७५० लोकांची बाकी असलेली तपासणी केली तर बाधित संख्या जवळपास ३०० चे वर जाणार असल्याची भिती ग्रामपंचायत सरपंच संदीप ठाकरे यांनी व्यक्त केली आहे. तेव्हा ह्या गावातील अन्य गावकरी मंडळीची तपासणी लवकरात लवकर करुन हे गाव प्रतिबंधित क्षेत्र म्हणून घोषित करावे तसेच मुबलक प्रमाणात शासनाने औषधाचा पुरवठा यासह रोगप्रतिकारक फवारणी करण्यासाठी ग्रामपंचायत सेलू (मुरपाड) याला सहकार्य करुन वाढत्या कोविड रोगावर आळा बसविण्यात पंचायत समितीचे माध्यमातून शासकीय अधिकारी, डॉक्टर सेवा प्रदान करुन हे गाव कोविड प्रतिबंधक क्षेत्र म्हणून घोषित करावे अशी मागणी सरपंच संदीप ठाकरे यांनी शासनाकडे केली आहे.
