सचिन वाघे वर्धा
हिंगणघाट 22.4.21.तालुक्यात कोरोना महामारी मुळे दिवसें दिवस रुग्णांची संख्या वाढत असून हिंगणघाट उपविभागीय कार्यालय येथे आढावा बैठकीमध्ये डॉक्टर चाचारकर यांनी ऑक्सीजन सिलेंडरची कमतरता आहे सांगितले त्यानुसार हिंगणघाट येथील उद्योजकांना व इतर व्यावसायिकांना आमदार समीर कुणावार यांनी विनंती करून त्यांच्याकडून औद्योगिक वापरात येत असलेले जंबो सिलेंडर ची मागणी केली त्यानुसार त्यांनी उपजिल्हा सरकारी रुग्णालय हिंगणघाट मध्ये 20 सिलेंडर जुळवले असून त्यातले 12 सिलेंडर उपजिल्हा सरकारी रुग्णालयामध्ये दिले आणि भरून आणून लावण्यात आले उर्वरित 8 सिलेंडर त्यांना लवकरच मिळणार आहे . ऑक्सिजन सिलेंडर मुळे रुग्णांना फार मोठा दिलासा मिळाला. समीर कुणावार यांनी
उपजिल्हा सरकारी रुग्णालयामध्ये जाऊन ऑक्सीजन सिलेंडर ची पाहणी करून तेथील अधिकारी व डॉक्टर यांच्याकडून ऑक्सीजन सिलेंडर ची माहिती घेतली व रुग्णांना ऑक्सिजन पुरवठा सुरू केला . यावेळी उपविभागीय अधिकारी मा. श्री. चंद्रभानजी खंडाईत, तहसीलदार मा. श्रीरामजी मुंधडा, श्री. कोडापे , डॉ.चाचरकर , डॉ. प्रफुल पारखे, बांधकाम विभागाचे मा. श्री. पोफळे उपस्थित होते
