यावल ( प्रतिनिधी ) विकी वानखेडे
तालुक्यातील किनगाव बु I येथील एका वयोवृद्ध व्यक्तिने आजारास कंटाकुन आत्महत्या केल्याची घटना घडली असुन याबाबत पोलीसात अक्समात मृत्यूची नोंद करण्यात आली आहे. या संदर्भात पोलीस सुत्रांकडुन मिळालेली माहीती अशी की यावल तालुक्यातील किनगाव बु येथील राहणारे एकनाथ बाबुराव पाटील
वय८१वर्ष दिनांक ७ जुन रोजी सकाळी ११च्या सुमारास आपल्या शेतात जावुन येतो असे सांगुन केले मात्र सायंकाळी उशिरा पर्यंत घरी आले नसल्याने घरच्या मंडळींनी व नातेवाईकांनी शेतात जावुन त्यांचा शोध घेतला मात्र ते मिळुन आले नाही , दरम्यान आज दिनांक ८ मे रोजी त्यांच्या कुटुंबाच्या मंडळीने पुनश्च शोध घेतला असता कासारखेडा शिवारातील रविन्द्र रामकृष्ण पाटील ( टेलर ) यांच्या शेतातील विहीरीवर एकनाथ पाटील यांची काठी दिसुन आली त्यावेळी एकनाथ पाटील यांचा मृतदेह पाण्यात तरंगतांना दिसुन आला यावेळी गावातील यांच्या मदतीने अखेर प्रेत विहिरीतुन बाहेर काढण्यात आले , या घटनेची खबर मयताचा मुलगा हेमराज एकनाथ पाटील यांच्या खबरीवरून यावल पोलीस स्टेशनला अकसमात मृत्युची नोंद करण्यात आली असून , मयत एकनाथ पाटील यांचे मृतदेह शवविच्छेदना साठी यावलच्या ग्रामीण रुग्णालयात आणण्यात आले आहे .एकनाथ बाबुराव पाटील ही वयोवृद्ध व्यक्ति होती व त्यांना बऱ्याच दिवसांपासुन पोटदुखीचा आजार जळला होता , त्यामुळे त्यांना पोटदुखीच्या आजारातुन होणारा त्रास असहाय्य झाल्याने अखेर त्यांनी आत्महत्या केल्याची प्राथमिक माहिती समोर आली आहे . घटनेचा तपास सहाय्यक फौजदार विजय पाचपोळे हे करीत आहे .
