हिंगणघाट :- शहरातील शिवाजी पार्कचे नामकरण छत्रपती शिवाजी महाराज उद्यान अस करण्याचा निर्णय प्रहार या संस्थेने घेतलेला असून याबाबत लवकरच नामंतरण फलक या उद्यान परिसरात लावण्यात येणार असल्याची माहिती प्रहारचे पूर्व विदर्भ प्रमुख श्री गजानन कुबडे यांनी एका निवेदनातून दिलेली आहे.
निवेदनातून दिलेल्या वृत्तानुसार, शहरात मागील अनेक वर्षा पासून शिवाजी पार्क या नावाने उद्यान आहे.परंतु सदर पार्कचा हा एकेरी उल्लेख हा युगपुरुष छत्रपती शिवराय यांचा अपमान असून तो आम्ही यापुढे कधीही खपवून घेणार नाही.नप प्रशासनाने तीन दिवसात हा महाराजांचा एकेरी उल्लेख टाळणारा मजकूर काढून त्याऐवजी छत्रपती शिवाजी महाराज उद्यान परिसर असा फलक न लावल्यास प्रहारच्या वतीने हा फलक लावण्यात येईल असा इशारा गजानन कुबडे यांनी दिलेला आहे यावेळी तालुका प्रमुख जगदीश तेलहांडे,माजी शहर प्रमुख अजय लढि, समुद्रपूर तालुका प्रमुख प्रमोद मैस्कार,मोहन पेरकुंडे,अमित गोजे,सुरज कुबडे, अंकुश वाघमारे,राजेश लाखाणी,सतीश गलांडे इत्यादी कार्यकर्ते उपस्थित होते.
सूर्या मराठी न्यूज साठी सचिन वाघे वर्धा
