दगडू पिंगळे निलंगा प्रतिनिधी
निलंगा तालुक्यातील मदनसुरीसह सबोतालच्या परिसरातील रामतीर्थ, अंबुलगा (वि), हाडोळी, रामलिंग मुदगड, हत्तरगा (हा) इत्यादी ठिकाणी दुपारपासून मुसळधार पाऊस पडत असल्याने ओढे, नदी-नाले भरून वाहत आहेत. या पावसामुळे मदनसुरीतील ओढ्याला मोठा पूर आला आणि हा ओढा ओलांडत असताना संजय माने व शैलेश माने या दोन शेतकऱ्यांना पाण्याचा अंदाज न आल्याने शेतकरी वाहून गेले. मात्र सुदैवाने त्यांचा जीव वाचला.
