शेगाव प्रतिनिधी अर्जुन कराळे
शेगाव : कांदा पिकाबद्दल
मार्गदर्शन करण्यासाठी धुऱ्यावर मोटारसायकल लावून शेतात गेलेल्या सुमिटूमो केमिकल्स कंपनीच्या मार्केटिंग कर्मचाऱ्याची दुचाकी चोरट्याने गायब केली. शेगाव ग्रामीण पोलीस ठाण्यात चोरट्याविरुद्ध गुन्हा दाखल करण्यात आला आहे. विशाल गुलाबराव गाडगे (२८, रा. पाटील मंडळी पातूर जि.) यांनी या प्रकरणात तक्रार दिली. मनसगाव (ता. शेगाव) शिवारातील कैलास वाकर यांच्या शेतातील धुऱ्यावर ही घटना २८ जानेवारीला सायंकाळी साडेपाचच्या सुमारास घडली आहे.
गाडगे हे सुमिटूमो कंपनीच्या शेतकी विभागात मार्केटिंगचे काम करतात. ते हीरो कंपनीच्या एचएफ डिलक्स मोटारसायकलीने (MH 30 AW9965, किंमत २५ हजार रुपये) अमोल पाटील (रा. काजीखेड ) यांच्या शेतात आले होते. कैलास वाकर (रा. काजीखेड) यांच्या मनसगाव शिवारातील शेताच्या धुऱ्याजवळ मोटारसायकल लावून ते पाटील यांच्या शेतात कांदा पिकाचे मार्गदर्शन करण्यासाठी गेले. थोड्या वेळाने परत मोटारसायकलजवळ आले असता मोटारसायकल दिसली नाही. आजूबाजूला परिसरात शोध घेऊनही मिळाली नाही. त्यामुळे काल, ३० जानेवारीला शेगाव ग्रामीण पोलीस ठाण्यात चोरीची तक्रार गाडगे यांनी केली. तपास ASI शुल्का साहेब करत आहेत.
