यावल ( प्रतिनिधी)विकी वानखेडे
कास्ट्राईब कर्मचारी महासंघ महाराष्ट्र राज्य चे अध्यक्ष मा. कृष्णा इंगळे यांचा जळगाव जिल्हा दौरा दि. 6 सप्टेंबर 2023 रोजी संपन्न झाला. या दौऱ्याप्रसंगी कवयित्री बहिणाबाई चौधरी उत्तर महाराष्ट्र विद्यापीठात तक्रार निवारण बैठकीचे आयोजन विद्यापीठाचे कुलगुरू मा. विजय माहेश्वरी सर यांच्या अध्यक्षतेखाली करण्यात आले.
या बैठकीत विद्यापीठा अंतर्गत अनुदानित बिंदु नामावली नुसार महाविद्यालय प्राचार्य भरलेली पदे रिक्त पदे , प्राध्यापक रोस्टर निहाय रिक्त पदे , आकृती बंध बिंदू नामावलीनुसार , शिक्षकेतर कर्मचारी माहिती तसेच कंत्राटी कर्मचाऱ्यांचे विविध प्रश्न या मुद्द्यांवर चर्चा करण्यात आली. .
कृष्णा इंगळे यांनी जिल्हा परिषद जळगाव चे मुख्य कार्यकारी अधिकारी मा.अंकित साहेब तसेच जळगाव महानगरपालिकेच्या आयुक्त डॉ. विद्याताई गायकवाड यांचीही भेट घेऊन कर्मचाऱ्यांच्या विविध प्रश्नांविषयी चर्चा केली.
संध्याकाळी विद्यापीठाच्या विश्रामगृहावर मा. अध्यक्षांनी कास्ट्राईब संघटनेच्या सर्व शाखा निहाय जिल्हा पदाधिकाऱ्यांची बैठक घेऊन पदाधिकाऱ्यांना मार्गदर्शन केले. या दौऱ्याप्रसंगी मा. कृष्णा इंगळे यांच्या समवेत कास्ट्राईब राज्य संघटनेचे वरिष्ठ राज्य उपाध्यक्ष सुमित भुईगळ, कास्ट्राईब वन विभागाचे राज्य कार्याध्यक्ष मनोज कांबळे , कास्ट्राईब शिक्षक संघटनेचे राज्य अतिरिक्त सरचिटणीस प्रभाकर पारवे , कास्ट्राईब कर्मचारी महासंघाचे नाशिक विभागीय अध्यक्ष रवींद्र तायडे , कास्ट्राईब महासंघाचे जळगाव जिल्हा अध्यक्ष पुलकेशी केदार , शिक्षक संघटनेचे जिल्हा अध्यक्ष बापू साळुंके , महासंघाचे जिल्हा सचिव ब्रम्हानंद तायडे , जिल्हा कार्याध्यक्ष योगेश अडकमोल ,वनविभागाचे जिल्हाध्यक्ष विकास सोनवणे , सचिव योगीराज तेली , महासंघाचे कोषाध्यक्ष प्रा. प्रमोद लोंढे , जळगाव मनपा संघटनेचे सुरेश भालेराव ,नंदकुमार गायकवाड यांचीही उपस्थिती होती .
