प्रतिनिधी सचिन वाघे हिंगणघाट : नगर परिषदेच्या सर्वसाधारण सभेत नव्या सभागृहाच्या नामकरणाच्या मुद्द्यावरून राजकीय वातावरण तापल्याचे चित्र पाहायला मिळाले. सभागृहाला कोणाचे नाव द्यावे यावरून विविध पक्षांमध्ये मतभेद उफाळून आले.
शिवसेना (उद्धव बाळासाहेब ठाकरे) पक्षाच्या नगरसेवकांनी सभागृहास हिंदूहृदयसम्राट स्व. बाळासाहेब ठाकरे यांचे नाव देण्यात यावे, अशी मागणी करत अधिकृत पत्र सादर केले.wardhanews
या निर्णयावर सर्वानुमते शिक्कामोर्तब व्हावे, अशी त्यांची अपेक्षा होती.मात्र, चर्चेदरम्यान भाजपच्या काही नगरसेवकांनी स्वतंत्रवीर स्व. विनायक दामोदर सावरकर यांच्या नावाचा प्रस्ताव पुढे आणला.hingnghatnews
ही बाब पूर्वनियोजित असल्याचे सभागृहातील घडामोडींवरून जाणवले, तर काही सदस्यांना याची पूर्वकल्पना नसल्याचेही स्पष्ट झाले.
यावेळी शिवसेनेच्या नगरसेविका सारिका प्रकाश अनासाने यांनी बाळासाहेब ठाकरे यांच्या कार्याचा आढावा घेत त्यांच्या महाराष्ट्र व मराठी समाजासाठीच्या योगदानावर प्रकाश टाकत त्यांच्या नावाचा आग्रह धरला. मात्र, सत्ताधाऱ्यांकडून अपेक्षित प्रतिसाद मिळाला नाही.wardhanews
सभागृहात एकमताने निर्णय होण्याची शक्यता असतानाच अचानक सावरकर यांच्या नावाचा प्रस्ताव मांडण्यात आला आणि मतदान घेण्यात आले. या प्रक्रियेमुळे काही सदस्यांमध्ये नाराजी व्यक्त झाली.
दरम्यान, राष्ट्रवादी काँग्रेस (अजित पवार गट) चे नेते सुधीर कोठारी, राष्ट्रवादी काँग्रेस (शरद पवार गट)च्या शीतल अमोल बोरकर तसेच प्रहार संघटनेचे सूरज कुबडे यांनी बाळासाहेब ठाकरे यांच्या नावाला समर्थन देत एकमताचा आग्रह धरला. मात्र, त्यांनी सावरकर यांच्या नावाबाबत तटस्थ भूमिका घेतली.breaking
अखेर भाजप सदस्यांनी बहुमताच्या आधारे सावरकर यांच्या नावाला मंजुरी दिली. या मतदानात 34 मते सावरकर यांच्या बाजूने पडली, तर 11 सदस्य तटस्थ राहिले.
Hingnghatnews /या निर्णयानंतर सभागृहातील घडामोडींवरून विविध पक्षांच्या राजकीय भूमिका व विरोधाभास स्पष्ट झाल्याची चर्चा शहरात रंगली आहे.
