विदर्भ प्रतिनिधी सचिन वाघे
कामठी : राज्याचे महसूलमंत्री चंद्रशेखर बावनकुळे यांच्याशी संबंधित जमीन व्यवहाराबाबत एक धक्कादायक व्हिडिओ सोशल मीडियावर व्हायरल झाला असून, या प्रकरणामुळे राजकीय वर्तुळात खळबळ उडाली आहे.chandrashekharbawankule
संबंधित जमिनीवर मंत्री बावनकुळे, त्यांच्या पत्नी ज्योती, मुलगा संकेत व मुलगी पायल यांच्या नावाचा उल्लेख असल्याचा दावा या व्हिडिओत करण्यात आला आहे.
दरम्यान, “ज्यांच्याकडे गाडी-बंगला आहे, त्यांना कर्जमाफी मिळणार नाही,” असे विधान केल्यामुळे आधीच चर्चेत असलेल्या बावनकुळे यांच्यावर विरोधकांकडून टीका होत आहे.
याच पार्श्वभूमीवर शेतकरी प्रश्नावर आवाज उठवणारे संपादक रामेश्वर शिवाजी दरेकर यांनी “बोल बिंदास बोल” या माध्यमातून या प्रकरणाची पोलखोल केल्याचा दावा केला आहे.
विशेष म्हणजे, यापूर्वी शेतकरी विषयावर व्हिडिओ केल्याप्रकरणी दरेकर यांच्यावर गुन्हा दाखल करण्यात आला होता. मात्र, आता त्यांनीच मंत्री बावनकुळे यांच्या कथित जमीन प्रकरणाचा मुद्दा उचलून धरला असून, “शेतकरी पुत्र घाबरत नाही, तो लढतो,” असा संदेश त्यांनी दिला आहे.
Devendrafadnsvis /या प्रकरणात देवेंद्र फडणवीस यांच्याकडेही लक्ष वेधण्यात आले असून, संबंधित व्हिडिओ पुरावा म्हणून पुढे आणण्यात आल्याचा दावा करण्यात येत आहे.
Farmernews /सदर प्रकरणाची अधिकृत चौकशी होणार का, तसेच प्रशासनाकडून काय भूमिका घेतली जाणार, याकडे सर्वांचे लक्ष लागले आहे.
