अजहर शाह मोताळा प्रतिनिधी
बुलडाणा:-कोरोनाविरूदध निर्णायक लढाई सुरू असून या विषाणूवर कायमस्वरूपी नियंत्रण मिळविण्यासाठी कोविशिल्ड लसीचे लसीकरण जिल्हयात सुरू आहे. त्यानुसार आज जिल्हा सामान्य रूग्णलयातील लसीकरण कक्षात जिल्हाधिकारी एस रामामूर्ती यांनी कोविशिल्ड लस घेतली. यावेळी जिल्हा शल्य चिकित्सक डॉ तडस उपस्थित होते. याप्रसंगी जिल्हाधिकारी म्हणाले, लसीकरणाच्या लाभार्थ्यांनी टप्प्यानुसार अवश्य लस घ्यावी. कुठल्याही प्रकारे अफवांना बळी न पडता लस टोचून घ्यावी. लस ही पुर्णपणे सुरक्षीत असून 100 टक्के खात्रीशीर आहे.
