Accdent news:बुलढाणा: माऊली फाटा हे ठिकाण आज ९ मे रोजी सकाळी ११ वाजताच्या सुमारास एका रौद्ररूप दुर्घटनेचा साक्षीदार ठरले.
भरधाव वेगाने अवैध वाळू वाहतुक करणाऱ्या टिप्परने मागून येणाऱ्या दुचाकीला धडक दिली.
या अपघातात दोन लहान बालक जागीच ठार झाले तर त्यांच्या आजी आणि आजोबांना गंभीर जखमी अवस्थेत रुग्णालयात दाखल करण्यात आले आहे.
पळशी सुपो येथून शेगावकडे जात असलेल्या प्रकाश महादेव खेडकर व साधना प्रकाश खेडकर हे दांपत्य त्यांच्या दोन नातवंडांसह मोटरसायकलने प्रवास करत होते.
माऊली फाट्याजवळील भेंडवळाजवळ टिप्परने त्यांच्या दुचाकीला मागून जोरदार धडक दिली. या घटनेत ६ वर्षीय पार्थ चोपडे (राजापेठ, अमरावती) आणि ५ वर्षीय युवराज मोहन भागवत (बडनेरा) यांच्या मृत्युची नोंद झाली. याशिवाय, त्यांच्या आजी-आजोबांना गंभीर जखम झाली असून ते सध्या उपचाराधीन आहेत.Accdent news
घटनेची माहिती मिळताच जळगाव जामोद पोलीस आणि खामगाव विभागाचे अपर पोलीस अधीक्षक श्रेणिक लोढा घटनास्थळी दाखल झाले.
पोलिसांनी परिस्थिती नियंत्रणात आणण्यासाठी मोठ्या प्रमाणावर बंदोबस्त तैनात केला आहे.
Accdent news: स्थानिक नागरिकांनी गंभीर अपघातामुळे संताप व्यक्त करत टिप्परला आग लावून निषेध नोंदवला आहे.
