विदर्भ प्रतिनिधी सचिन वाघे
सिंदी (रेल्वे)भारतरत्न डॉ. बाबासाहेब आंबेडकर यांच्या जयंतीदिनी शासकीय शिष्टाचाराचे पालन न झाल्याचा गंभीर आरोप सिंदी (रेल्वे) येथील नगर परिषद प्रशासनावर करण्यात आला आहे.
Wardhanews याप्रकरणी स्थानिक नागरिक सुधाकर विठोबाजी वाघमारे यांनी जिल्हाधिकारी वर्धा यांच्याकडे लेखी तक्रार दाखल करून मुख्याधिकारी व संबंधित कर्मचाऱ्यांवर कठोर कारवाईची मागणी केली आहे.
तक्रारीनुसार, १४ एप्रिल २०२६ रोजी देशभरात संविधान निर्मात्यांना अभिवादन करण्यात येत असताना सिंदी नगर परिषद कार्यालयात मुख्याधिकारी पौर्णिमा गावित व अनेक कर्मचारी अनुपस्थित होते.hingnghatnews
शासकीय नियमानुसार अशा राष्ट्रीय महापुरुषांच्या जयंतीदिनी प्रतिमा पूजन व अभिवादन करणे अपेक्षित असताना ते पार पडले नाही, असा आरोप करण्यात आला आहे.
तसेच, नगर परिषदेचे काही लोकप्रतिनिधी शहरातील इतर ठिकाणी कार्यक्रमात उपस्थित होते; मात्र प्रशासकीय प्रमुखांनी कार्यालयात उपस्थिती दर्शवली नसल्याने प्रशासनाच्या भूमिकेवर प्रश्नचिन्ह निर्माण झाले आहे. ही बाब केवळ निष्काळजीपणा नसून हेतुपुरस्सर दुर्लक्ष असल्याचा आरोप तक्रारीत नमूद करण्यात आला आहे.nagarparishadnews
या प्रकारामुळे संविधानाप्रती असलेल्या आदरभावाला धक्का बसल्याचे सांगत, दोषी अधिकाऱ्यांवर महाराष्ट्र नागरी सेवा (वर्तणूक) नियमांनुसार शिस्तभंगाची कारवाई करावी, तसेच त्यांच्या सेवापुस्तकात नोंद करावी, अशी मागणी करण्यात आली आहे.
दरम्यान, या प्रकरणाची दखल घेऊन वरिष्ठ प्रशासन कारवाई करणार का, याकडे नागरिकांचे लक्ष लागले आहे.
