प्रतिनिधी सचिन वाघे

Hingnghatnews/वर्धा, दि.13 सप्टेंबर 2025 (शनिवार) – क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा अधिकारी कार्यालय व वर्धा जिल्हा क्रीडा परिषद यांच्या वतीने क्रीडा संकुल वर्धा येथे जिल्हा स्तरीय टायकांडो स्पर्धेचे आयोजन करण्यात आले.

या स्पर्धेतील अंतिम सामन्यात ज्ञानदीप विद्यानिकेतनच्या 14 वर्षांखालील मुलींच्या गटातील तेजस्वी वानखेडे हिने उत्कृष्ट कामगिरी करत प्रतिस्पर्धी खेळाडूंवर मात करत प्रथम क्रमांक पटकावला.वरोरा येथे होणाऱ्या विभागीय टायकांडो स्पर्धेत आपले स्थान निश्चित केले आहे.

शिक्षणाबरोबरच क्रीडेला समान महत्त्व देत विद्यार्थ्यांच्या सर्वांगीण विकासासाठी शाळेचे संस्थापक गिरधर राठी सतत प्रोत्साहन देतात. क्रीडा शिक्षकांच्या योग्य मार्गदर्शनामुळे विद्यार्थी सक्षम होऊन अशा स्पर्धांमध्ये यश मिळवत आहेत,Hingnghatnews

ही विशेष बाब आहे.खेळाडूंच्या या उल्लेखनीय कामगिरीबद्दल गिरधर राठी (संस्थापक – ज्ञानदीप विद्यानिकेतन, हिंगणघाट व वाघोली), अर्पना राठी (अध्यक्षा), रशेष राठी (सचिव), प्रवीण धोबे (कोषाध्यक्ष), अभिनव जैस्वाल (मुख्याध्यापक – ज्ञानदीप विद्यानिकेतन हिंगणघाट), रोहन हुमाड (क्रीडा शिक्षक) तसेच सर्व शिक्षक व शिक्षकेतर कर्मचारी यांनी विजेत्या खेळाडूचे कौतुक करून पुढील स्पर्धेसाठी शुभेच्छा दिल्या.

प्रतिनिधी सचिन वाघे

हिंगणघाट :- आधार फाऊंडेशन व हिंगणघाट नगर परिषदेच्या संयुक्त विद्यमाने पर्यावरण बचावासाठी कृत्रिम गणेश विसर्जन जलकुंडाची निर्मीती स्थानिक न्यू म्युनिसिपल हायस्कृल, गुरुनानक वॉर्ड, सिंधी कॉलनी येथे करण्यात आली आहे.hingnghatnews

हिंगणघाट शहरामध्ये विविध सार्वजनिक व घरगुती गणेश मुर्तीची प्रतिष्ठापणा आपण मोठ्या भक्तीभावाने करीत असतो पण ह्या मुर्ती बनविण्यासाठी माती, विविध रासायनिक रंग, प्लॉस्टर ऑफ पॅरिस चा वापर अति प्रमाणात वापर होत आहे.त्यामुळे गणेश मुर्तीचे विसर्जन व निर्माल्याचे विसर्जन नदीमध्ये करून नदीचे पाणी दुषित करित आहेत. नदी है तो जल है, जल है तो जीवन है, हे उदिष्ठ समोर ठेवून आधार फाउंडेशनच्या वतीने गेल्या दोन वर्षापासून कृत्रिम जलकुंड गणेश विसर्जनाची निर्मिती करीत आहेत.

तसेच यावर्षी सुद्धा आधार फाऊंडेशनच्या वतीने पर्यावरण बचावासाठी कृत्रिम गणेश विसर्जन जलकुंडाची निर्मीती करण्यात आली आहे.

विविध कारणांमुळे नदी, नाले प्रदुषणयुक्त झाले आहे. यात गणेश मूर्ती विसर्जनाचाही समावेश आहे. गणेश मूर्तीसह निर्माल्य थेट नदीत विसर्जित केले जाते. त्यामुळे पाणी प्रदुषित होते. यासाठी आधार फाउंडेशन व हिंगणघाट नगर परिषदेच्या संयुक्त विद्यमाने वतीने कृत्रिम जलकुंड गणेश विसर्जनाची व्यवस्था करण्यात आली आहे.

दिनांक ५, व ६ सप्टेंबर रोजी गणेशभक्तांनी थेट नदीत गणपती मूर्तीचे विसर्जन न करता या पर्यावरणपूरक कृत्रिम जलकुंडात गणपती विसर्जन करावे असे आवाहन आधार फाउंडेशचे संस्थापक अध्यक्ष अतुल वांदिले व आयोजकांनी केले आहे.