सूर्या मराठी न्यूज ऋषिकेश सुरवसे

Dharashivnews /उमरगा: शहरातील आरोग्य नगर येथे इंडियन मेडिकल असोसिएशन (आयएमए) उमरगा शाखेच्या वतीने पोफळे यांच्या रुग्णालयाच्या शेजारी रुग्णांकरिता शुद्ध, फिल्टर पाणी सुविधा केंद्राचा शुभारंभ गुरुवारी करण्यात आला. या केंद्राचे पत्रकार अविनाश काळे, पत्रकार नारायण गोस्वामी यांच्या हस्ते शुभारंभ करण्यात आला.

जेष्ठ नेते डॉ. चंद्रकांत महाजन अध्यक्षस्थानी होते. आयएमए. चे अध्यक्ष डॉ. अनंत मुगळे, सचिव डॉ. नामदेव बिराजदार, डॉ. विजय पाटील, डॉ. उदय मोरे, डॉ. सुभाष येळंबुरे, डॉ. सुभाष वाघमारे, डॉ. डॉ. ए. ए. धिंडे, डॉ. बाबर, डॉ. विजय बेडरगे, डॉ. सतीश नरवडे आदींची प्रमुख उपस्थिती होती. शहरातील आरोग्य नगरीत दररोज तपासणीसाठी शेकडो रुग्ण व नातेवाईक मोठ्या प्रमाणात येतात, त्यांना शुद्ध पाणी अत्यंत माफक दरात मिळावे याकरिता पाणी फिल्टर सुविधा केंद्र सुरु करण्यात आल्याची माहिती डॉ. नामदेव बिराजदार यांनी प्रास्ताविकात सांगितली.dharashivnews

डॉ. मुगळे यांनी रुग्ण सेवेबरोबरच सामाजिक बांधिलकीच्या भावनेतून आयएमए. ने फिल्टर पाण्याची सोय केल्याचे सांगून यापुढेही सामाजिक उपक्रमांना प्राधान्य देणार असल्याचे सांगितले. जेष्ठ नेते डॉ. महाजन यांनी आयएमए च्या उपक्रमाचे कौतुक केले. या उपक्रमात सातत्य असावे, रुग्णसेवेसाठी डॉक्टरांची संख्या मोठी आहे. विविध कार्यक्रमासाठी एक सुसज्ज सभागृह कार्यान्वित व्हावे अशी अपेक्षा त्यांनी यावेळी व्यक्त केली.

Umrganews /आयएमएचे नवनियुक्त अध्यक्ष डॉ. प्रशांत मोरे यांचा यावेळी सत्कार करण्यात आला. डॉ. कपिल महाजन, डॉ. दत्तात्रय खळगे, डॉ. विजय गायकवाड, डॉ. राजकुमार कानडे, डॉ. अजींत शिंदे, डॉ. अभय शिंदे, डॉ. सिद्राम खाडे, डॉ. बुटुकगे, डॉ. सागर पतंगे, डॉ. निलेश महाजनी, व्यापारी महासंघाचे कार्याध्यक्ष नितीन होळे, रोटरी क्लबचे अध्यक्ष प्रा. डॉ. धनंजय मेनकुदळे, सचिव प्रा. जोशी, प्रा. सोमशंकर महाजन आदींची उपस्थिती होती.

सूर्या मराठी न्यूज ऋषिकेश सुरवसे

उमरगा : उमरगा आणि लोहारा या भूकंपग्रस्त तालुक्यातील १६ गावांना जल जीवन योजनेअंतर्गत पाणीपुरवठा योजनेस मंजुरी मिळून तीन वर्षे होवून गेली. या योजनेचे कामही पूर्ण झाले असताना अद्यापही पाणीपुरवठा सुरू होत नसल्याने राष्ट्रवादीच्या महिला जिल्हा उपाध्यक्षा तथा कलदेव निंबाळच्या उपसरपंच सुनीता पावशेरे यांनी जिल्हाधिकारी किरण कुमार पुजार यांना या संदर्भात ग्रामसभा ठरावासह (या.२४ )निवेदन देवून चर्चा केली.dharashivnews

व ही महत्वपूर्ण योजना त्वरीत चालू करण्याची यावेळी मागणी केली.
या महत्वाच्या योजनेअंतर्गत कलदेव निंबाळा गावासह बलसूर एकूरगा,पेठसांगवी जवळगा बेट, नारंगवाडी ,माडज, नाईचाकूर आदी उमरगा तालुक्यातील गावांचा समावेश आहे .तर लोहारा तालुक्यातील माकणी, सास्तुर, होळी, तावशीगड, सालेगाव, जेवळी, दक्षिण जेवळी आदी गावाचा समावेश आहे.शासनाने १२५ कोटी पेक्षा जास्त निधी यावर खर्च करुनही केवळ महावितरणाच्या जुनी थकबाकीचे कारण देत याकडे अत्यंत दुर्लक्ष केले जात आहे.

मागील महावितरणची थकबाकी शासनाने माफ करावी.स्थानिक आमदार व पालक मंत्री यांनी याबाबत जिल्हाधिकारी , मुख्य कार्यकारी अधिकारी, जीवन प्राधिकरण कार्यकारी अभियंता, महावितरण मुख्य अभियंता यांच्यासह त्वरित बैठक घेऊन ठोस निर्णय घ्यावा .धरण उशाला अन् कोरड घशाला अशी अवस्था भूकंपग्रस्तांची झाली आहे.त्यामुळे ही पाणी पुरवठा योजना त्वरित सुरू करावीत असे दोन्ही तालुक्यांतील सामान्य नागरिक बोलत आहेत. पावसाळा संपल्याने पाणी टंचाई जाणवण्या अगोदरच याचे नियोजन होणे आवश्यक आहे.

Umrganews /याबाबतीत अनेक वेळा भेटी घेवून, चर्चा ,ठरावास निवेदन दिले होते.आता योजना लवकर चालू नाही केल्यास दोन्ही तालुक्यांतील महिला,सामान्य नागरिकांना पिण्याच्या पाण्यासाठी उपोषण करावे लागेल असा ईशाराही सुनिता पावशेरे यांनी निवेदनात दिला आहे.

सूर्या मराठी न्यूज ऋषिकेश सुरवसे उमरगा

उमरगा : उमरगा तालुक्यात राष्ट्रीय महामार्गावर तलमोड दस्तापूर दरम्यानच्या स्ट्रीट लाईट दुरुस्त करण्याच्या मागणीसाठी दि. १७ डिसेंबर रोजी सकाळी दहा वाजता तलमोड जवळील टोल बंद करण्यात इशारा आ. प्रवीण स्वामी यांनी दिला होता. मात्र सात दिवसात ह्या स्ट्रीट लाईट दुरुस्त करण्याचे आश्वासन संबंधित विभागाने दिले आहे.dharashivnews

राष्ट्रीय महामार्गावर तुरोरी, जकेकुर चौरस्ता, येळी, दाळिंब,
मुरूम मोड, या ब्रिजवर गेल्या अनेक महिन्यापासून स्ट्रीट लाईट बंद होत्या. त्यामुळे वाहनधारकांची मोठा सुरक्षेचा प्रश्न गंभीर झाला होता. त्यासाठी संबंधित विभागास तीन वेळेस लेखीपत्र दिले होते.

Umrganews /मात्र या स्ट्रीट लाईट दुरुस्त केल्या जात नसल्याने आ. प्रवीण स्वामी यांनी १७ डिसेंबर रोजी राष्ट्रीय महामार्गावरील हा टोल बंद करण्याचा इशारा लेखी निवेदनाद्वारे दिला होता. या
मार्गावर मोठी वर्दळ असते आणि अनेक भागात लुटीचे प्रमाण वाढले आहे.

Dharashivnews त्यामुळे प्रवासी भयभीत झाले असताना राष्ट्रीय महामागार्ची अधिकारी याकडे जाणून मधून दुर्लक्ष करत होते. मात्र आमदार स्वामी यांनी टोलबंदच्या या तंबीनंतर येत्या सात दिवसात ह्या ट्रीट लाईट सुरू करण्याची लेखी आश्वासन दि. १७ डिसेंबर रोजी आ.प्रवीण स्वामी यांना दिल्यामुळे हे आंदोलन मागे घेण्यात आले.

श्री नरेंद्रचार्य महाराज उमरगा सत्संग सेवेचा सामाजिक बांधिलकी जपणारा उपक्रम
————

सूर्य मराठी न्यूज उमरगा

उमरगा : जगद्गुरु रामानंद संप्रदाय श्री नरेंद्रचार्य महाराज यांच्या सत्संग सेवा केंद्राच्या माध्यमातून उमरगा तालुक्यातील दाबका, तलमोड, चिटकोट, जहागीर चिंचोली, नागराळ, उमरगा शहर, येळी, सुंदरवाडी, धाकटेवाडी, मळगी, अशा विविध ठिकाणी उमरगा तालुक्यात एकूण १६ वनराई बंधारे बांधून जलसंधारण, आणि पर्यावरण संवर्धनाचे महत्वपूर्ण कार्य केले आहे. महाराष्ट्रात विविध ठिकाणी कार्यरत असणाऱ्या या संप्रदायाने महाराष्ट्रात एकूण असे पाच हजार वनराई बंधारे बांधण्याचे उद्दिष्ट ठेवले आहे.dharashivnews

वनराई बंधारा सिमेंटच्या रिकाम्या पोत्यांमध्ये माती, वाळू आणि दगड भरून नदी-ओढ्यांच्या पात्रात चौदा डिसेंबर ते वीस डिसेंबर या
दरम्यान हा कच्चा बंधारा बांधण्यात आला आहे.
या ठिकाणचे पाणी वाहून न जाता ते जमिनीत जिरावे व या ठिकाणचे सिंचन वाढावे या उद्देशाने हा बंधारा बांधण्यात आला आहे.umrganews

गेल्या महिण्यात या संप्रदायाने १ लाख १० हजार वृक्षारोपण ही केले आहे.

Dharashivnews /रक्तदाना मध्येही हा सांप्रदाय अग्रेसर असतो. पुढील वर्षी म्हणजेच जानेवारी २०२६ मध्ये रक्तदान शिबीराचे आयोजन करुन १ लाख ५० हजार बॉटल रक्त संकलित करण्याचे उद्धीष्ट असल्याचे या संप्रदायाने सांगितले आहे.
वनराई बंधारा बांधण्यासाठी गुरुभगिनी, गुरुबंधू, यांनी श्रमदान केले.