यावल ( प्रतिनिधी ) विकी वानखेडे

जळगावसह यावल तालुक्यातील शेतकऱ्यांच्या हितासाठी हरीत क्रांतीचे स्वप्न साकार करणारा महत्वकांशी प्रकल्प शेळगाव बॅरेजच्या पूर्णतेसाठी निधीची मागणी करण्यासाठी आमदार शिरीष मधुकरराव चौधरी यांनी राज्याचे उपमुख्यमंत्री व अर्थमंत्री ना. अजितदादा पवार व जलसंपदा मंत्री ना. जयंतराव पाटील यांची भेट घेऊन त्यांचेशी सन२०२१व२०२२ च्या अर्थसंकल्पात तरतूद करण्याची विनंती केली होती. आमदार शिरीष चौधरी यांच्या सततच्या पाठपुराव्यामुळे राज्याचे जलसंपदा ना.जयंत पाटील यांनी त्याला सकारात्मक प्रतिसाद दिला असुन. नुकतेच त्यांचे पत्र मिळाले. त्यात शेळगांव बँरेज मध्यम प्रकल्पासाठी २०२१-२२ च्या वार्षिक आखणी मध्ये रू. १४०कोटीची अर्थसंकल्पीय तरतूद करण्यात आल्याचे कळविले आहे. सदर निधी मुळे शेळगांव बँरेज मध्यम प्रकल्पाचे काम पूर्णत्वास होण्यास मदत होवून पुढील वर्षापासून पासून बँरेज मध्ये पाणी साठवता येवून हजारो हेक्टर जमीन ओलीता खाली येईल असे आमदार कार्यालयाने कळविले आहे. शेळगाव बॅरेजच्या कामाला पुर्णत्वास नेण्यासाठी निधी दिल्याबद्दल आ.चौधरी यांनी राज्याचे मुख्यमंत्री उध्दवजी ठाकरे, उपमुख्यमंत्री व अर्थमंत्री अजितदादा पवार, जलसंपदामंत्री ना.जयंत पाटील व पालकमंत्री गुलाबराव पाटील यांचे विशेष आभार मानले आहे.

यावल ( प्रतिनिधी ) विकी वानखेडे

तालुक्यातील शेळगाव मार्ग जळगाव जाणारा रस्ता तापी नदीला पाणी आल्याने तात्पुरता असलेला पुल व त्या वरील रस्ता बंद झाला असुन यावल ते बोरावल, टाकरखेडा मार्गावरून जळगावकडे जाणाऱ्या नागरीकांनी या मार्गाने आपली वाहने घेवुन येवु नये असे आवाहन परिसरातील नागरीकांनी केले आहे . दरम्यान यावलहुन बोरावल ,टाकरखेडा , शेळगाव . असोदा, भादली मार्ग जळगाव जाण्यासाठी कमी वेळेत जाण्याचा हा पर्यायी मार्ग असुन , या दोन दिवसात मध्य प्रदेश आणी महाराष्ट्रच्या काही भागात मोठया प्रमाणावर पाऊस पडल्याने शेळगाव बॅरेजच्या बाजुस तात्पुरत्या वाहतुकीसाठी तयार करण्यात आलेला रस्ता तापी नदीला पाणी आल्याने हा रस्ता पुर्णपणे पाण्याखाली आली असल्याने या मार्गाने वाहतुक पुर्णपणे बंद करण्यात आली आहे . यावल व परिसरातील नागरीकांनी जळगाव जाण्यासाठी या मार्गाने येवु नये तसेच हे वृत्त आपल्या संपर्कातील ईतर
मित्रमंडळी यांनी कळविले आहे .

हंसराज उके अमरावती जिल्हा प्रतिनिधी

अमरावतीत अपंग जनता दल(सामाजिक संघटना) ची मागणी

अमरावती: अपंगा साठी महाराष्ट्र राज्य मार्ग परिवहन महामंडळातर्फे ६ मार्च रोजी युनिक कार्ड वरून,स्मार्ट कार्डासारखे कार्ड अपंगांना देण्यात येणार आहे.त्यांची नोंदणी देखील चालू करण्यात आली आहे.परंतू दि.९ ऑक्टोबर २०१८ च्या शासन निर्णयानुसार आधार कार्ड संलग्न अपंग युनिक स्मार्ट कार्ड देणे असा शासन निर्णय असूनदेखील तरी एस.टी महामंडळाकडून आदेश काढण्यात आले आहेत.त्यामुळे स्मार्ट कार्डचा निर्णय रद्द करावा, अशी मागणी केली आहे. अपंगांना समाज कल्याण विभाग यांच्याकडून पिवळी व पांढरे वन फोर पास असतांना केंद्र शासनाने दिव्यांगांना युनिक कार्ड सवलतीस ग्राह्य धरावे असे आदेश दिव्यांग कल्याण आयुक्त यांनी काढले आहेत व महाराष्ट्र राज्य परिवहन महामंडळ यांनी सुद्या युनिक कार्ड वर अपंगांना सवलत लागू करा असे लेखी आदेश असून अपंग व्यक्तींनी अजून किती कार्ड सवलतीसाठी सोबत ठेवावे म्हणून महाराष्ट्र राज्यातील सर्व अपंगाकडून संताप व्यक्त केला जात आहे . महाराष्ट्र राज्य मार्ग परिवहन महामंडळ यांनी ६ मार्च रोजी काढण्यात आलेले आदेश रद्द करण्याची मागणी अपंग जनता दल (सामाजिक संघटना)चे अमरावती शहराध्यक्ष श्री.अनवर शाह यांनी ऑनलाइन निवेदन परिवहन मंत्री अनिल परब साहेब यांना पाठवून मागणी केली आहे.

पि. राजा(प्रफुल्ल बिचारे पाटिल):-

पिंपळगाव राजा पोलिस स्टेशनचे दबंग ठाणेदार सचिन चव्हाण यांना नुकताच जिल्हा पोलिस प्रशासन यांच्या वतीने उत्कृष्ट कामगिरी म्हणून सन्मानित करण्यात आले. या मध्ये जिल्हातील मोजक्याच पोलिस अधिकारी यांना हा सन्मान प्राप्त झाला आहे. या मध्ये पिपळगांव च्या पोलिस स्टेशन चा नंबर आहे. खामगाव उपविभाग ग्रामीण भागांमध्ये दरोडेखोर  गुन्ह्यांमध्ये आरोपी हे पद्धतशीररीत्या लोकांना गंडवून नकली सोने खरे भासवुन  लोकांना लाखो रुपयांचा चुना लावून त्यांना मारहाण करत लुटत असायचे अशी हि टोळी  खामगाव ग्रामीण भागामध्ये सक्रिय झालेली होती आणि या टोळी ला जिल्हा पोलीस प्रशासनाच्या वतीने नष्ट करण्यात आले. सदर ग्रामीण भागामध्ये या लूटमार करणाऱ्या टोळी ला पायबंद घालने महत्त्वाचे असल्यामुळे  सहा मे रोजी जिल्हा पोलीस अधीक्षक चावरिया साहेब यांच्या मार्गदर्शनाखाली खामगाव विभागात  विशेष कोम्बिंग ऑपरेशन मोहीम राबवण्यात आले, त्यामध्ये नियोजन बद्धरीत्या कोम्बिग ऑपरेशन करण्यात येऊन अत्यंत धाडसाने शस्त्रसज्ज असलेले एकूण २५ आरोपी  पकडण्यात आले होते. या कारवाईमुळे जिल्ह्यात पोलीस प्रशासन अत्यंत दक्ष काम करत असून कर्तव्यदक्ष असलेले जिल्ह्यामध्ये पोलिस प्रशासन  दिसुन आले होते. या कारवाईमध्ये पिंपळगाव राजा चे पोलीस स्टेशनचे सहाय्यक पोलीस निरीक्षक सचिन चव्हाण यांना गौरविण्यात आले. या सन्मानाने पिंपळगाव राजा पोलिस स्टेशनच्या गौरव मध्ये यशाचा तुरा हा प्राप्त झाल्या मुळे पोलिस स्टेशनचे कर्मचारी आनंदित असून परिसरात पोलिस स्टेशनच्या कर्मचाऱ्यांमध्ये चैतन्याचे वातावरण निर्माण झाले आहे.

सचिन वाघे वर्धा
हिंगणघाट/,दि.११
अवैध रेतीवाहतुक तसेच रेतीचोरी प्रकरणी सततच्या बातम्या प्रकाशित होऊनही रेतीतस्कर आपला रेतीचोरिचा व्यवसाय बीनदिक्कतपणे करीत असल्याचे दिसुन येत आहे.
जिल्हाधिकाऱ्यांपासून तर सर्वच अधिकारी अवैध रेतीव्यवसाय बंद करण्याचा दावा करीत असले तरीही लाखो रूपयांची चिरिमिरी मिळत असल्याने पोलिस यंत्रणा,परिवहन खाते तसेच महसुल खाते यांचे आशिर्वादाने रात्रीचे अंधारात हा रेतीचोरिचा खेळ अविरत सुरुच असल्याचे दिसुन येत आहे.
परवा दि.९ रोजी रात्री हिंगणघाट शहरात असाच एक प्रकार घडला.रात्री ८.३० चे दरम्यान शासकीय यंत्रणेने स्थानिक रेतीव्यापारी खियानी यांचा रेतीने भरलेला डंपर अडविला.
कारवाईसाठी सदर डंपर हिंगणघाट बस स्थानकाचे परिसरात आणला गेला.यावेळी शासकीय अधिकारी आपल्या वाहनासह तेथे पोचले,परंतु ४० हजार रूपयांची सरकारी खात्यात दक्षिणा चढ़विल्यावर सदर डंपर सोडण्यात आला.
सदर शासन अधिकाऱ्यांनी आपल्या सरंक्षणात रेती भरलेला डंपर तेथून पाठविल्यानंतर आपल्या शासकीय वाहनाने ते सुद्धा पसार झाले.अधिक माहिती घेतली असता डंपरमधे भरलेल्या जवळपास २५ टन रेतीची रॉयल्टी त्यांचेकड़े नव्हती.
झालेल्या प्रकाराची जोरदार चर्चा रेती व्यावसायिक वर्तुळात होत आहे