सालेकसा,दि.26ः-तालुक्यातील हलबिटोला येथे डॉक्टर पंजाबराव देशमुख कृषी विद्यापीठ संचालित राजश्री शाहू महाराज कृषी व्यवसाय व व्यवस्थापन महाविद्यालय सडक-अर्जुनी येथील विद्यार्थी मनोज पांडुरंग दमाहे याने ग्रामीण कृषि कार्यानुभव कार्यक्रमांतर्गत ग्राम हलबिटोला येथील शेतकऱ्यांना धान पिकावरील विविध रोगांवर मार्गदर्शन केले. यात धानावर मोठ्या प्रमाणात होणारा खोडकिडा, मावा, तुडतुडा व अन्य प्रकारची रोगांवर मार्गदर्शन करण्यात आले. त्यावर कोणत्या प्रकारचे जैविक उपचार तसेच रासायनिक उपचार करता येतात याबाबतही त्यांनी मार्गदर्शन केले. शेतकऱ्यांनीही आवर्जून उपस्थित बांधावर उभे राहून माहिती घेतली. अशा उपक्रमातून विद्यार्थ्यांना तसेच शेतकऱ्यांनाही बराच लाभ मिळतो अशी भावना उपस्थित शेतकऱ्यांनी व्यक्त केली. या उपक्रमाद्वारे दरवर्षी ग्राम हलबिटोला येथे कार्यक्रमाचे आयोजन करून शेतकऱ्यांना विविध रोगांवर माहिती तसेच त्यावर उपचाराबाबत मार्गदर्शन शिबिरे आयोजित केले जावेत अशी मागणी केली.
महाविद्यालयाचे प्राचार्य व्ही. डी. आराम, प्रा. जी.आर. भाजीपाले, प्रा. एन. एन. रामटेके, प्रा. डी. आर. भोसले आदींनी मार्गदर्शन केले. यावेळी अनारसिंह, सुमित बोरकर आणि अन्य शेतकरी उपस्थित होते.

शैलेश राजनकार गोंदिया

देवरी,दि.२६ : आज वृक्षलागवड काळाची गरज झाली आहे. वृक्षलागवडीकडे दुर्लक्ष करण्यात आल्यामुळे त्याचे परिणाम दिसून येत आहेत.दुष्काळी परिस्थितीचा सामना करण्याची वेळ आली आहे.एकीकडे कोरोनाची महामारी तर दुसरीकडे वृक्षांची घटती संख्या यावर मात करण्यासाठी वृक्ष लागवडीसोबतच वृक्षांचे संवर्धन करणे अत्यंत महत्वाचे असल्याचे प्रतिपादन अप्पर पोलीस अधिक्षक अतुल कुलकर्णी यांनी केले.
आज २६ सप्टेबंर रोजी देवरी शहरातील नगरपंचायत क्रिडागंणावर पोलीस विभागाच्या वतीने वृक्षलागवड मोहिमेअंतर्गत ७० झांडाचे वृक्षारोपण करण्यात आले.त्यावेळी आयोजित कार्यक्रमात विशेष अतिथी म्हणून पोलीस अधिक्षक कुलकर्णी बोलत होते. यावेळी पोलीस विभागातील देवरी पोलीस स्टेशनचे ठाणेदार अजित कदम, पी.आय.देसुरकर , सहाय्यक पोलीस निरीक्षक कमलेश बच्छाव व पोलीस कर्मचार्यांची प्रमुख उपस्थिती होती.

गजानन सोनटक्के जळगाव जामोद

जळगाव जामोद तालुक्यातील जळगाव जामोद परिसरात शेतकरी संत्रा मोठ्या प्रमाणात लागवड करीत असतात तरी या वर्षी आंबिया बहार संत्रा व मृग बहार संत्रा नैसर्गिक वातावरण व्यवस्थित नसल्या मुळे जळगाव जामोद तालुक्यात संत्रा पिकाला बहार आलेला नाही तरी जळगाव जामोद परिसरातील जामोद मंडळ वगळता इतर शेतकऱ्यांना संत्रा पिकाचा विमा मिळालेला आहे व जामोद मंडळ यामधील शेतकऱ्यांना पीक विमा मिळाला नाही त्याकरिता जळगाव जामोद तालुक्यातील सुनगाव व जामोद येथील शेतकऱ्यांनी जिल्हाधिकारी बुलढाणा यांना काल दिनांक 25 सप्टेंबर रोजी निवेदन दिले व तात्काळ संत्रा पिकाचा विमा मिळावा अशी विनंती केली या निवेदनावर रूपालीताई अशोक काळपांडे जिल्हा परिषद सदस्य बुलढाणा जळगाव जामोद पंचायत समितीचे उपसभापती महादेव रामकृष्ण धुर्डे अनंता श्रीराम दामदर जामोद मंगेश सुरेश धुर्डे रामकृष्ण मारोती कळपांडे गणेश गणपत कळपांडे व 30 ते 35 शेतकऱ्यांच्या सह्या आहेत

कोरोना जर थांबवायचा असल्यास कोणत्याही प्रकारचे लहाण मोठे व्यापारी फेरीवाले आपल्या गावात फिरत असताना मास्क न लावता व्यापार करत असल्यास त्यांचे नांव व गावाचे नावासह फोटो पाठवा. व्हाट्सप नम्बर 9527338993 वर पाठवा
आपला कोरोणा योध्दे असा सत्कार करण्यात येईल.
सहकार्याची अपेक्षा
सुबोधभाऊ सावजी माजी राजयमंत्री महसूल गृहनिर्माण वस्रोद्योग माजी पालकमंत्री अकोला बुलङाणा जिल्हा.

गजानन सोनटक्के
जळगाव जा

जळगांव (जा) :- अखिल भारतीय किसान सभेच्या वतीने संपूर्ण भारतात दिनांक 25 सप्टेंबर 2020 ला आंदोलन करण्यात आली.त्याच संदर्भाने अखिल भारतीय किसान सभा जळगांव जामोद तालुकाच्या वतीने उपविभागीय अधिकारी कार्यालया समोर मोदी सरकारच्या विरोधात प्रचंड मोठी नारेबाजी करीत तालुक्यातील शेतकरी वर्गाने निदर्शने केली.सरकारने पारित केलेल्या 3 विधेयकाला किसान सभेचा विरोध असून सरकारने तंबोलतोब हे विधेयक वापीस घ्यावे.सदर अध्यादेश हा शेतकरी,शेतमजूर लोकांना देशोधडीला लावणारा असल्याचे मत किसान सभेची भूमिका आहे.तालुक्यातील शेकडीच्या प्रमाणात शेतकरी लाल झेंड्याखाली एकत्रित झाले होते. मोदी सरकार निक्कमी है! ये सरकार बदलनी है! च्या नाऱ्यानी परिसर दणाणून सोडला होता. मोदी सरकारने जीवनावश्यक वस्तूच्या यादीतील तांदूळ,धान्य,तेल,बटाटा काढले. त्यामुळे भांडवलदार लोक या धोरणाने प्रचंड साठाबाजी करून भविष्यात जनतेची लूटमार होईल.गोरगरीब जनता अन्नधानच्या कमतरतेचा फटका बसून उपासमारीची वेळ सहन करेल.
कृषी उत्पन्न बाजार समिती हे लहान लहान अडते-व्यापारी जवळपास च्या शेतकरी वर्गाचा माल विकत घेतात.मात्र नवीन विधेयकामुळे लहान शेतकरी भांडवलदार व्यापाऱ्याच्या कचाट्यात सापडून आपला माल बेभाव विकण्यासाठी मजबूर होईल.तसेच कंत्राटी शेती पद्धतीने शेतकरी हा मालक न राहता कंपनी चा गुलाम होईल.देश रसातळाला घेऊन जाण्याचा हा प्रयत्न आहे का? अश्या अनेक प्रश्नाला जन्म देणारे हे 3 शेतकरी विधेयक मागे घ्या.ह्यासाठी जळगांव जामोद येथे मोठे आंदोलन पार पडले.या आंदोलनात ग्रामीण भागातील सर्व स्तरातील शेतकरी हजर होते, प्रामुख्याने आदिवासी शेतकऱ्यांनी हिराहरीने भाग घेत,मोदी सरकारच्या या धोरणाचा निषेध केला.सदर निवेदनावर किसान सभेचे जिल्हाउपाध्यक्ष कॉम्रेड रामेश्वर काळे ,कॉम्रेड विजय पोहनकर, प्रसेनजित दादा विचारमंचाचे अध्यक्ष अजहर देशमुख,शेतकरी संघटनेचे तालुका अध्यक्ष अनंता बकाल,अभय मारोडे,शिवाजीराव वाघ,कैलास भगत,प्रकाश महल्ले, विलास हिराळकर,प्रकाश सातव ,किसन भैड्या,श्रीराम भैड्या इत्यादी शेतकरी वर्गाच्या शेकडो साह्य आहेत.

डावी कडवी विचारसरणी व नक्षल समस्या निर्मूलनाचा एक भाग म्हणून, नक्षलग्रस्त आदिवासी दुर्गम भागातील नवयुवक युवतींना त्यांच्या अंगी असलेल्या गुणांना वाव मिळावा. याकरिता पोलीस भरती पूर्व प्रशिक्षण व मार्गदर्शन कार्यक्रम विश्व पानसरे पोलीस अधिक्षक गोंदिया यांच्या संकल्पनेतून, अतुल कुलकर्णी अप्पर पोलीस अधीक्षक गोंदिया कॅम्प देवरी,प्रशांत ढोले उपविभागीय पोलीस अधिकारी देवरी यांच्या अध्यक्षतेखाली येथील पोलिस ठाण्याचे ठाणेदार पोलीस निरीक्षक दिनकर ठोसरे यांच्या मार्गदर्शनाखाली गोंदिया जिल्हा पोलीस दला अंतर्गत पोलीस ठाणे नवेगाव बांध येथे मिशन पोलीस भरती- 2020 पोलीस भरती पूर्व प्रशिक्षण कार्यक्रम 14 जुलै पासून सुरू करण्यात आले आहे. या प्रशिक्षणात 80 प्रशिक्षणार्थी युवक युवक मार्गदर्शनाचा लाभ घेत आहेत. संपूर्ण राज्यात व देशात कोरोना वायरस संसर्गजन्य साथ रोगाचा प्रादुर्भावात वाढ झालेली असून, सतर्कता बाळगणे आवश्यक झाले आहे. सुरक्षा व सतर्कता बाळगणे याबाबत केंद्र व महाराष्ट्र शासनाच्या मार्गदर्शक तिच्या अनुषंगाने गोंदिया जिल्ह्यात नक्षलग्रस्त भागातील सुशिक्षित बेरोजगार युवक-युवतींना रोजगाराची संधी उपलब्ध व्हावी. ह्या दृष्टिकोनातून, गोंदिया जिल्हा पोलीस दल रोजगाराची संधी उपलब्ध करून देण्यासाठी मदत करीत असून, पोलीस व विविध सैन्य भरती पूर्व प्रशिक्षण, स्पर्धा परीक्षा मार्गदर्शन उपलब्ध करून देत आहे. हे येथे उल्लेखनीय आहे. दिनांक 23 सप्टेंबर रोज बुधवार ला पोलीस भरती पूर्व प्रशिक्षणातील प्रशिक्षणार्थी युवक-युवतींना मैदानी सरावा करिता मोफत स्पोर्ट शूज, ट्रॅक सूट चे वाटप उपविभागीय पोलिस अधिकारी देवरी प्रशांत ढोले यांच्या हस्ते वितरित करण्यात आले. यावेळी ठाणेदार पोलीस निरीक्षक दिनकर ठोसरे ,डॉ. टंडन वैद्यकीय अधिकारी ग्रामीण रुग्णालय नवेगावबांध उपस्थित होते.
यावेळी प्रशिक्षणार्थींना मार्गदर्शन करताना, पोलीस उपविभागीय अधिकारी प्रशांत ढोले आपल्या भाषणात, पोलीस भरती करिता लेखी परीक्षेची तयारी कशी करावी. विषयांची विशेषतः गणित व बुद्धिमत्ता, राज्य प्रशासन व सामाजिक चालू घडामोडी या विषयावरील पकड कशी मजबूत करावी. आपले जिल्ह्याची बारीक-सारीक माहितीचे अवलोकन कसे करावे. याबाबत मोलाचे मार्गदर्शन केले. तर वैद्यकीय अधिकारी डॉ.टंडन यांनी covid-19 महामार्ग च्या काळात स्वतःचे आरोग्य अबाधित राखीत पोलीस पूर्व प्रशिक्षणाची तयारी कशी करावी. आरोग्य बाबत काळजी कशी घ्यायची. covid-19 संबंधाने सुरक्षा उपाय,सतर्कता व घ्यावयाची दक्षता याबाबत सविस्तर मार्गदर्शन केले. तसेच इंजुरी फ्री शारीरिक व्यायाम कसा करावा, वार्म अप व कूलिंग डाऊन, स्वच्छतेचे महत्व याबाबत सविस्तर मार्गदर्शन केले. प्रशिक्षणार्थींनी योग्य खानपान, डायट, पुरेसी विश्रांती तसेच ताजेतवाने असण्याचा कालावधी याची ओळख करून दिली. स्पर्धा व भरतीची तयारी तसेच उत्कृष्ट अभ्यास व स्वाध्याय कसा करता येईल. याबाबत ठाणेदार दिनकर ठोसरे यांनी मार्गदर्शन करून उपस्थितांचे आभार मानले. कार्यक्रमाचे सूत्रसंचालन नाईक पोलीस शिपाई जनार्दन कुसराम यांनी केले.
जागतिक स्वास्थ्य संस्था प्रणित गाईडलाईन, covid-19 आदर्श मानक व सामाजिक अंतराचे काटेकोरपणे पालन करून, किट साहित्य वाटप करून, उपविभागीय पोलिस अधिकारी देवरी प्रशांत ढोले यांच्या हस्ते नक्षत्र वृक्षारोपण पोलीस ठाण्याच्या आवारात करून कार्यक्रमाची सांगता करण्यात आली