बुलढाणा | प्रतिनिधी
शेतकऱ्यांच्या विविध प्रलंबित मागण्यांकडे राज्य सरकारचे लक्ष वेधण्यासाठी मुंबईत करण्यात आलेल्या आंदोलनाला आक्रमक स्वरूप आले. नियमितपणे कर्जाची परतफेड करणाऱ्या शेतकऱ्यांना २ लाख रुपयांचे प्रोत्साहन अनुदान देण्यात यावे, तसेच यापूर्वीच्या कर्जमाफीपासून वंचित राहिलेल्या शेतकऱ्यांचाही कर्जमाफीच्या कक्षेत समावेश करण्यात यावा, या प्रमुख मागण्यांसाठी शेतकरी नेते रविकांत तुपकर यांच्या नेतृत्वाखाली आंदोलन करण्यात आले.
या आंदोलनादरम्यान सरकारचा निषेध करत मंत्र्यांचे बंगले आणि सरकारी गाड्यांचा लिलाव करण्याचा इशारा देण्यात आला. शेतकऱ्यांच्या प्रश्नांकडे सातत्याने दुर्लक्ष होत असल्याचा आरोप आंदोलनकर्त्यांनी केला.
आंदोलनासाठी मुंबईत दाखल झालेल्या शेतकऱ्यांनी हातात विविध मागण्यांचे फलक घेत सरकारविरोधात घोषणाबाजी केली. “२०१९ पूर्वीच्या वंचित शेतकऱ्यांना कर्जमाफी द्या” तसेच नियमित कर्जदार शेतकऱ्यांना प्रोत्साहनपर मदत द्यावी, अशा मागण्या फलकांवर करण्यात आल्या. Farmernews
दरम्यान, आंदोलनाचा आक्रमक पवित्रा लक्षात घेता पोलिसांनी आंदोलकांना ताब्यात घेण्याची कारवाई केली. येलो गेट पोलीस ठाणे, मुंबई येथे रविकांत तुपकर यांच्यासह अक्षय पाटील आणि शेकडो शेतकऱ्यांना पोलिसांनी ताब्यात घेतल्याची माहिती आंदोलनाच्या ठिकाणाहून समोर आली.
शेतकऱ्यांचा सवाल — नियमित कर्ज फेडणाऱ्यांना प्रोत्साहन कधी?
शेतकऱ्यांच्या कर्जमाफीच्या निर्णयांमध्ये नियमित कर्जफेड करणाऱ्या शेतकऱ्यांना अपेक्षित लाभ मिळत नसल्याचा मुद्दा आंदोलनकर्त्यांनी उपस्थित केला. संकटाच्या काळातही कर्जाची परतफेड करणाऱ्या शेतकऱ्यांना शासनाने प्रोत्साहनपर २ लाख रुपयांचे अनुदान द्यावे, अशी मागणी करण्यात आली.
तसेच काही शेतकरी मागील कर्जमाफीच्या निकषांमुळे लाभापासून वंचित राहिले आहेत. अशा शेतकऱ्यांचा कर्जमाफीमध्ये समावेश करून त्यांना दिलासा देण्याची मागणीही करण्यात आली.
सरकारने मागण्या गांभीर्याने घ्याव्यात शेतकऱ्यांच्या मागण्या केवळ आश्वासनांपुरत्या मर्यादित न ठेवता त्यावर ठोस निर्णय घ्यावा, अशी भूमिका आंदोलकांनी मांडली. शेतकऱ्यांच्या प्रश्नांवर सरकारने तातडीने निर्णय घेतला नाही, तर आंदोलन आणखी तीव्र करण्याचा इशाराही देण्यात आला.
मुंबईतील आंदोलनादरम्यान पोलिसांनी केलेल्या कारवाईमुळे काही काळ तणावाचे वातावरण निर्माण झाले. रविकांत तुपकर, अक्षय पाटील यांच्यासह शेतकऱ्यांना येलो गेट पोलीस ठाण्यात नेण्यात आल्याने आंदोलनाच्या पुढील भूमिकेकडे आता लक्ष लागले आहे.
Farmernews/शेतकऱ्यांच्या कर्जमाफीचा प्रश्न, नियमित कर्जदारांना २ लाखांचे प्रोत्साहन अनुदान आणि वंचित शेतकऱ्यांचा कर्जमाफीमध्ये समावेश — या मागण्यांवर सरकार काय निर्णय घेते, हे पाहणे महत्त्वाचे ठरणार आहे.
#RavikantTupkar #AkshayPatil #FarmerProtest #FarmersProtest #ShetkariAndolan #KarjMafi #KisanAndolan #FarmerLoanWaiver #MaharashtraFarmers #MumbaiProtest #YellowGatePoliceStation #Shetkari #Kisan #MaharashtraNews #MumbaiNews #SuryaMarathiNews #शेतकरीआंदोलन #कर्जमाफी #रविकांततुपकर #मुंबईआंदोलन #शेतकरी #सूर्यामराठीन्यूज
