यावल (प्रतिनिधी) विकी वानखेडे
चुंचाळे येथील श्री समर्थ रघुनाथ बाबा व उच्च माध्यमिक विद्यालय, चुंचाळे येथे क्रीडा शिक्षक माननीय श्री युवराज यशवंत पाटील सर यांच्या सेवापूर्ती निमित्त भव्य गौरव सोहळ्याचे आयोजन सोमवार, दिनांक 30 मार्च 2026 रोजी करण्यात आले आहे. तब्बल 32 वर्षांच्या प्रदीर्घ सेवेनंतर ते सेवानिवृत्त होत असून, त्यांच्या कार्याचा गौरव करण्यासाठी हा विशेष कार्यक्रम आयोजित करण्यात येत आहे.jalgaon
पाटील सरांनी आपल्या सेवाकाळात क्रीडा शिक्षक म्हणून उल्लेखनीय कार्य करत हजारो विद्यार्थ्यांचे जीवन घडवले आहे. त्यांनी विद्यार्थ्यांमध्ये केवळ क्रीडा कौशल्य विकसित केले नाही, तर शिस्त, वेळेचे भान, प्रामाणिकपणा, संघभावना आणि परिश्रमाची जाणीव यांसारख्या मूल्यांचीही रुजवण केली. त्यांच्या मार्गदर्शनाखाली अनेक विद्यार्थ्यांनी तालुका, जिल्हा तसेच राज्यस्तरीय क्रीडा स्पर्धांमध्ये यश संपादन करून शाळेचे नाव उज्ज्वल केले आहे.breakingnews
विशेष म्हणजे, त्यांच्या उल्लेखनीय कार्याची दखल घेत त्यांना जिल्हास्तरीय आदर्श क्रीडा शिक्षक पुरस्कार प्रदान करण्यात आला आहे. हा पुरस्कार त्यांच्या कार्याची पावती ठरला असून, विद्यार्थ्यांमध्ये क्रीडा क्षेत्राबद्दलची प्रेरणा जागवण्यात त्यांचे मोठे योगदान राहिले आहे.
या गौरव सोहळ्यासाठी शाळेचे पदाधिकारी, मुख्याध्यापक, शिक्षकवृंद, शिक्षकेतर कर्मचारी, माजी विद्यार्थी तसेच गावातील प्रतिष्ठित नागरिक मोठ्या संख्येने उपस्थित राहणार आहेत. कार्यक्रमात पाटील सरांचा शाल, श्रीफळ, सन्मानचिन्ह व पुष्पगुच्छ देऊन सत्कार करण्यात येणार आहे.
कार्यक्रमादरम्यान विविध मान्यवर आपल्या मनोगतातून पाटील सरांच्या सेवाभावी वृत्तीचा आणि विद्यार्थ्यांवरील प्रेमाचा गौरव करणार आहेत. यावेळी पाटील सरांच्या सेवाकाळातील आठवणींना उजाळा देत माजी विद्यार्थीही आपल्या भावना व्यक्त करणार आहेत.
या निमित्ताने पाटील सरांच्या कार्याचा आढावा घेत त्यांच्या योगदानाचा गौरव करण्यात येणार असून, त्यांनी घडवलेल्या पिढ्यांचा सन्मान केला जाणार आहे. हा सोहळा केवळ एक सत्कार समारंभ नसून, एका समर्पित शिक्षकाच्या कार्याला दिलेला मानाचा मुजरा ठरणार आहे.
Yavalnews /एकूणच, हा सेवापूर्ती गौरव सोहळा विद्यार्थ्यांसाठी प्रेरणादायी ठरणार असून, पाटील सरांच्या कार्याची परंपरा पुढे नेण्याचा संकल्प यावेळी व्यक्त केला जाणार आहे
