यावल (प्रतिनिधी ) विकी वानखेडे
तालुक्यातील किनगाव बु॥ येथे एका तरूणाची कौटुंबीक नैराश्यातुन गळफास घेवुन आत्महत्या केल्याचे वृत्त असुन , यावल पोलीसात अक्समात मृत्युची नोंद करण्यात आली आहे . दरम्यान या संदर्भात पोलीस सुत्रांकडुन मिळालेल्या माहीतीनुसार किनगाव बु॥ तालुका यावल येथील राहणारे नवल दगडु भोई वय ३६ वर्ष गावात शेंगदाणे फुटाणेचा व्यवसाय करणारा याने आज दिनांक ३१ मार्च रोजी सकाळी ९ , ३० वाजेच्या सुमारास आपल्या राहत्या घरातील छ्ताच्या हुकाला सुताची दोरी बांधुन गळफास घेवुन आत्महत्या केली असुन , आत्महत्या चे कारण अद्याप स्पष्ट झाले नसल्याचे पोलीस सुत्रांकडुन मिळालेल्या माहीती वरून कळाले असुन , दरम्यान मयत नवल भोई हा मागील काही दिवसापासुन कौटुंबिक नैराश्यात जिवन जगत असल्याचे वृत्ताद्वारे कळते त्याच्या कुटुंबात पत्नी , दोन मुली , आई , भाऊ असे कुटुंब असुन , मयताच्या मृतदेहाचे शवविच्छेदन यावल ग्रामीण रुग्णालयाचे वैद्यकीय अधिकारी डॉ .बी बी बारेला यांनी केले असुन ,या घटनेबाबत बापु दगडु भोई वय ४० वर्ष राहणार किनगाव यांनी यावल पोलीसात खबर दिल्याने अक्समात मृत्युची नोंद करण्यात आली असुन पुढील तपास पोलीस निरिक्षक सुधीर पाटील यांच्या मार्गदर्शनाखाली सहाय्यक फौजदार विजय धनंजय पाचपोळे हे करीत आहे .
