कार्यकर्त्यांनी जल्लोषात केले स्वागत
(चंद्रपूर घुग्गूस)प्रतिनिधी
रमेश सुध्दाला
घुग्गूस : काँग्रेस पक्ष सत्तेत नसतांना राजूरेड्डी यांना शहराची अध्यक्षपदाची जवाबदारी देण्यात आली.
हा काळ होता जेव्हा पक्षातर्फे निवडून आलेले उपसरपंचा सह सदस्य व पदाधिकारी पक्ष सोडून भाजपात प्रवेश करीत होते.
क्षेत्रात पक्षाचे आमदार खासदार नसतांना सोबतीला असलेल्या कार्यकर्त्यांना धीर देत रेड्डी यांनी पक्षाची मोट बांधली शहरातील ज्वलंत असलेल्या पाणी समस्येची दखल घेत स्वतःच्या पाणी टँकरने मोफत पाणी पुरवठा शुरु केला तो अजूनपर्यंत सुरूच आहे.
विद्यार्थ्यांना,गरजवंताना,युवकांना,महिलांना शक्य ती मदतीचा हात देत राजकारणात राहून आपल्या सामाजिक कार्याने
शहरात वेगळाच ठसा निर्माण करणारे राजूरेड्डी यांच्या कामाची दखल घेत पक्षाचे प्रदेश अध्यक्ष नाना भाऊ पटोले, पालकमंत्री ना. विजय भाऊ वड्डेटीवार, खासदार बाळु भाऊ धानोरकर,ग्रामीण जिल्हाध्यक्ष प्रकाश देवतळेजी यांनी दुसऱ्यांदा राजूरेड्डी यांच्यावर विश्वास करीत शहर अध्यक्षपदाची जवाबदारी दिली.
शहरअध्यक्ष पद मिळाल्याची माहिती मिळताच कार्यकर्त्यांनी काँग्रेस कार्यलय व बस स्थानक परिसरात तुफानी आतिषबाजी लाडू वाटप करीत जल्लोष साजरा केला.
याप्रसंगी मोठ्या संख्येने पक्षातील महिला, युवक व अन्य पदाधिकारी उपस्थित होते.
