प्रतिनिध-सचिन पगारे
नांदगांव नाशिक
नांदगाव तालुक्यातील जातेगांव येथे विश्वकर्मा पांचाळ सूतार समाजासह तमाम ग्रामस्थांकडून सृष्टीनिर्माता भगवान विश्वकर्मा जयंती साजरी करण्यात आली.
भगवान विश्वकर्मा वास्तूकला,चौसष्टकलेची देवता असून विश्व निर्माण करणारे परमात्मा आहे. ते देवशिल्पी नसून तेच सृष्टिनिर्मितीची बीजे निर्माण करणारे व जडचेतन सृष्टी निर्माण करणारे निर्माता आहे. जगाच्या या निर्मात्याचा जन्म माघ शुद्ध त्रयोदशीला विश्वकर्मा जयंती म्हणून साजरा केला जातो.यंदा ही विश्वकर्मा जयंती २५ फेब्रुवारी रोजी साजरी करण्यात आली.सालाबादप्रमाणे तालूक्यातील घाटमाथ्यावरील जातेगांव येथे विश्वकर्मा पांचाळ सूतार समाजासह ग्रामस्थांच्या विशेष सहकार्याने
व माऊली वारकरी शिक्षण संस्था जैतापूर येथील विद्यार्थीनींच्या विशेष उपस्थितीत विश्वकर्मा जयंती साजरी करण्यात आली.भगवान विश्वकर्मा प्रतिमेसह गावात विशेष शोभायात्रा काढण्यात आली.परिसरातील समस्त नागरिक व समाजबांधवांनी प्रतिमेचे पूजन केले.या प्रसंगी बालकिर्तनकार तेजस्विनीताई जाधव यांचे सुश्राव्य किर्तन जयंती सोहळ्यातील कौतूकाचा विषय ठरला.सूभाष पवार यांच्यासह नवनियुक्त ग्रामपंचायत सदस्यांनी उपस्थित वारकरी शिक्षण संस्थेतील विद्यार्थीनींचा सत्कार करण्यात आला.सदर जयंती उत्सवासाठी शांताराम जाधव,शिवहार जाधव,दादा जाधव,गणेश जाधव,ईश्वर जाधव,मच्छिंद्र बागूल,आण्णा बागूल,नंदू जैतमल,विनोद सोनवणे,रामेश्वर सोनवणे आदी समाज बांधवांसह तमाम नागरिकांनी विशेष परिश्रम घेतले.
