यावल ( प्रतिनिधी )विकी वानखेडे
तालुक्यातील डांभुर्णी येथे मामाच्या गावी यात्रा पाहण्यासाठी आलेल्या एक दहा वर्षीय बालक विद्युत शॉक लागून दगावला. ही दुर्दैवी घटना शुक्रवारी (ता.१७) दुपारी घडली. भडगाव येथील भावेश साईनाथ बागुल हा दहा वर्षीय बालक यात्रे निमित्त आजोबा अशोक नामदेव सपकाळे यांच्याकडे डांभूर्णी गावी आला होता. शुक्रवारी दुपारी डांभुणी येथे नळांना पाणी आले होते. व अशोक सपकाळे यांच्या घरात देखील इलेक्ट्रिकल मोटर लावून पाणी भरण्याचं काम सुरू होते. मोटरला लावण्यात आलेली वायर घरातून बाहेर मोटारपर्यंत ओट्यावर पसरली होती,त्या ठिकाणी पाणी भरत असताना ओटा संपूर्ण ओला झाला होता. दरम्यान खेळायला बाहेर निघालेल्या दहा वर्षीय भावेश साईनाथ बागुलचे पायात चप्पल नसताना ओटावर आला असता त्याला अचानक विजेचा झटका लागला. आणि तो ओट्यावरून खाली कोसळला. तो बेशुद्ध अवस्थेत पडला तेव्हा त्यास तातडीन जिल्हा शासकीय वैद्यकीय महाविद्यालयाच्या रुग्णालयात नेण्यात आले.आणि डॉक्टरांनी तपासणी अंती त्याला मृत घोषित केले.शासकीय वैद्यकीय महाविद्यालयाच्या रुग्णालयात शवविच्छेदन करून रात्री उशिरा शोकाकुल वातावरणात त्याच्यावर अंत्यसंस्कार करण्यात आले. त्याच्या पश्चात आई ,वडील ,मोठा भाऊ असा परिवार आहे. भावेच्या अशा या दुर्दैवी मृत्यूमुळे भडगाव आणि यावल तालुक्यातून हळहळ व्यक्त केली जात आहे.
