प्रहार शिक्षक व शिक्षकेतर कर्मचारी संघटना जिल्हा बीड कडून जि प उर्दू शाळा मोमिनपुरा मधील शिक्षकांचा कार्य गौरव
बीड दि.०४ (प्रतिनिधी) :- महाराष्ट्र शासनाच्या शात्रेय शिक्षण व क्रीडा विभागाने जारी केलेल्या दिनांक ३१ ऑगस्ट २०२१ च्या शासन निर्णया नुसार ५ सप्टेंबर च्या निमित्ताने सबंध महाराष्ट्रभर शिक्षक कार्य गौरव करून थँक अ टीचर अभियान राबवले जात आहे. प्रत्येक शिक्षकाचे कार्य हे ज्ञानदानाचे असल्याने ते पवित्र व आदर्शवत असेच असते. परंतु केवड्याचा सुगंध जसा संपूर्ण जंगलात सुगंध पसरवून जातो, तसा आपल्या कार्याच्या सुगंधाने जिल्हा परिषद प्राथमिक शाळा मोमिनपुरा उर्टू माध्यम केंद्र अशोक नगर ही शाळा बीड जिल्ह्यामध्ये आदर्श व शासनाचे १००% उपक्रम राबविल्यानंतर शाळेची रुपडे कशी बदलू शकते हे दर्शविणारे मॉडेल स्कुल ठरले आहे. म्हणूनच प्रहार शिक्षक व शिक्षकेतर कर्मचारी संघटनेची विभागीय उपाध्यक्ष श्री पांडुरंग उनवणे, जिल्हाध्यक्ष श्री धनंजय कुलकर्णी, जिल्हा सचिव श्री अविनाश काळे, महिला कार्याध्यक्षा सय्यद मुमताज बाजी, उर्दू विभाग प्रमुख मिर्झा हसनात, बीड तालुकाध्यक्ष सय्यद जिलानी संपर्कप्रमुख श्री राजाराम लकडे ,कोषाध्यक्ष श्री उत्तरेश्वर बजगुडे,उपाध्यक्ष श्री शेख ऐनुद्दीन बशीरोद्दीन शाळेला भेट देऊन त्यांचा कार्य गौरव नुकताच केला. याबाबत अधिक माहिती अशी की, जिल्हा परिषद प्राथमिक शाळा मोमीनपुरा बीड ही शाळा उत्कृष्ट शाळा म्हणून सध्या चर्चेत आहे आणि यामागे आहे ती एक महिला मुख्याध्यापिका श्रीमती आलिया बाजी आणि त्यांचा सहकारी शिक्षक वृंद!! अथक परिश्रम ,उत्कृष्ट समन्वय ,शिस्त ,आदर्श प्रशासन विद्यार्थ्याप्रती असलेली बांधिलकी या सर्वांचा उत्कृष्ट समवाय या शाळेत प्रवेश करताच अनुभवास येतो.
या शाळेतील नीटनेटकेपणा शिक्षकांमधील उत्साह व आधुनिक तंत्रज्ञानाचा सुयोग्य वापर एक वेगळाच अनुभव देणारा आहे. सुंदर माझे कार्यालय, बाला उपक्रम, कुंडीतील सुंदर वनराई, प्रत्येक वर्गखोली डिजिटल तंत्रज्ञानाने तयार केलेली, सुसज्ज वाचनालय व शाल्रेय पोषण आहारातील गुणवत्ता व दर्जा,अशा एक ना अनेक बाबी पाहून यामागे असलेल्री शिक्षकांची समर्पण, त्याग व आपल्या व्यवसायात प्रती असलेली निष्ठा यांचे दर्शन घडवते.
शाळेच्या मुख्याध्यापिका श्रीमती आलिया बाजी, त्यांचे सहकारी श्री मोमीन सर व सर्व महिला शिक्षिका यांनी अत्यंत ताकतीने या शाळेचे काम उभे केलेले पाहण्यास मिळाले. त्यांच्या या कार्याचा गौरव प्रहार शिक्षक व शिक्षकेतर कर्मचारी संघटना जिल्हा बीड च्या वतीने शाळेच्या मुख्याध्यापिका श्रीमती आलिया बाजी व त्यांच्या सर्व सहकाऱ्यांचा सत्कार करून करण्यात आला. याप्रसंगी प्रहार शिक्षक व शिक्षकेतर कर्मचारी संघटनेचे जिल्हाध्यक्ष श्री धनंजय कुलकर्णी यांनी उत्कृष्ट कार्य करणाऱ्या शिक्षकांचा गौरव व सर्वतोपरी सहकार्य प्रहार शिक्षक संघटना सातत्याने करत राहील असे जाहीर केले तर विभागीय उपाध्यक्ष पांडुरंग उनवणे यांनी अशा शिक्षकांच्या व शाळेच्या पाठीशी प्रहार शिक्षक संघटना नेहमीच उभी राहील असे वचन दिले. महिला
कार्याध्यक्षा सय्यद मुमताज बाजी यांनी महिला शिक्षकांनी अशाच प्रकारे उत्कृष्ट कार्य बजावून समाजाच्या उभारणीत हातभार लावावा अशी अपेक्षा व्यक्‍त केली. या कार्यक्रमाचे सूत्रसंचालन संघटनेची उर्दू विभाग प्रमुख मिर्झा हसनात सर यांनी केले तर आभार प्रदर्शन संघटनेचे बीड तालुका अध्यक्ष श्री सय्यद जिलानी यांनी मानले.
