यावल ( प्रतिनिधी )विकी वानखेडे
येथील स्थानिक महसुल प्रशासनाच्या डोळेझाक कारभारामुळे मागील तिन दिवसात शासकीय सुटीची संधी पाहुन वाळु माफीयाचा परिसरात धुमाकुळ लाखो रुपयांच्या वाळुची सर्रासपणे चोरट्या मार्गाने विक्री . या संदर्भातील वृत्त असे की , यावल शहरात व परिसरात गेल्या शुक्रवार , शनिवार , रविवार या तिन दिवसांपासुन शासकीय सुटीची संधी पाहुन शहरात व तालुक्यात सक्रीय असलेल्या वाळु माफीयाने काही प्रशासकीय यंत्रणेला हाताशी धरून शहरातील विविध ठिकाणी साठवण करून ठेवलेली वाळु ही विनापरवाना चढत्या भावाने विक्री करून लाखो रुपयांचा व्यवहार केल्याचे वृत्त हाती आले असुन , कार्यतत्पर तहसीलदार महेश पवार हे मागील काही दिवसांपासुन वैद्यकीय रजेवर असल्याने याचा फायदा घेत काही हप्तेखोर कर्मचाऱ्यांच्या सहभागाने मोठया प्रमाणावर अवैध मार्गाने जमा केलेली वाळु व पारिसरातील नद्यांमधुन उपसा केलेली वाळु ही खाजगी बांधकाम व्यवसायीकांना बंदी ची संधी पाहुन चढत्या भावाने विकण्यात येत असुन , या सर्व प्रकाराकडे स्थानिक महसुल प्रशासनाचे अर्थपुर्ण दुर्लक्ष होत असल्याची माहीती समोर येत आहे . दरम्यान अवैधगौण खनिजच्या अशा प्रकारच्या अनधिकृत धंद्यामुळे शासनाच्या लाखो रुपयांच्या महसुल चुना लागत आहे . या संदर्भात एका वाळुवाहतुक करणाऱ्या कळुन मिळालेल्या माहीतीनुसार असे कळते की ज्या वाळु माफीयाचे सॅटींग झालेले नसते त्याच वाळु वाहतुक करणाऱ्या प्रशासन कार्यवाही करीत असते आणी झालेली कार्यवाही ही निव्वळ देखाव्याची असतेअसे समजते, एक वेळा कार्यवाही झाली की मग सर्व काही सुरळीत सुरू असते , जिल्हाधिकारी यांनी या प्रश्नाकडे गांर्भीयाने लक्ष देणे अत्यंत गरजे आहे तरच या सर्व प्रकारास प्रतिबंधीत करता येईल .
