सुनील पवार. नांदुरा. ता.प्र.
नांदुरा . येथील सार्वजनिक शिवजयंती उत्सव समितीने छत्रपती शिवाजी महाराज जयंती निमित्त शिवरायांच्या किल्ल्यांची प्रतिकृती बनविण्याची स्पर्धा आयोजित केली आहे.यामाध्यमातून युवा पिढी गडकिल्ल्यांचे महत्त्व समजून त्याबद्दल इतिहास जाणून घेऊन किल्ल्यांची प्रतिकृती तयार करतील व यातून त्यांना किल्ल्याबद्दल इतिहास माहीत व्हावा या हेतूने ही स्पर्धा आयोजित करण्यात आली आहे.यामधे किल्ला बनवून किल्ल्याबद्दल विस्तृत माहिती,किल्ला कसा आहे?त्याचा मुख्य दरवाजा कोणता?,गडाच्या वाटा,मावळे,शिवराय यांची प्रतिकृती माहिती फलकासह दिसावी.हे किल्ले मातीचे बनविलेले असावेत आपल्याला जमले किंव्हा उपलब्ध होईल त्या वस्तूंनी बनवून सजवावे.शक्यतोवर नैसर्गिकरीत्या आणि हुबेहूब प्रतिकृतीला प्राधान्य देण्यात येईल.यामधे वय वर्ष २० पर्यंतचे मुलं,मुली सहभाग नोंदवू शकतात.करिता आपण आपले संपूर्ण नाव,पत्ता,संपर्क क्रमांक नोंदवून या स्पर्धेत भाग घेऊ शकता. यामधे आपण कुठलाही किल्ला बनवू शकता. उदाहरणार्थ फोटो सोबत पाठवत आहे.हे किल्ले आपल्याला आपापल्या घरीच बनवायचे आहे.किल्ला तयार झाल्यावर सार्वजनिक शिवजयंतीची उत्सव समिती आपल्या घरीच येऊन किल्ल्यांची पाहणी करून फोटो घेऊन जाईल. व यामधून योग्य व्यक्तींची निवड करून प्रथम,द्वितीय,तृतीय पारितोषिक देण्यात येईल.यामधे प्रथम येणाऱ्यास रोख पारितोषिक ७१०० रुपये,प्रमनपत्र व सन्मानचिन्ह देऊन गौरविण्यात येईल,द्वितीय क्रमांक पटकविनाऱ्याला ५१०० रुपयांचे रोख रक्कम,प्रामनपत्र व सन्मानचिन्ह देण्यात येईल,तृतीय येणाऱ्यास ३१०० रुपये रोख रक्कम,प्रमाणपत्र व सन्मानचिन्ह देण्यात येईल.तसेच यांच्या खालोखाल असणाऱ्यांना प्रमाणपत्र व सन्मानचिन्ह देऊन गौरविण्यात येणार असल्याचे शिवजयंती समितीच्या वतीने जाहीर करण्यात आले आहे.या स्पर्धेत सहभागी होण्यासाठी सार्वजनिक शिवजयंतीचे तालुका कार्याध्यक्ष अमर रमेश पाटील व शहर कार्याध्यक्ष जितू मोरे यांच्या सोबत संपर्क साधून आपली नावे द्यावी.१६ फेब्रुवारी रोजी या स्पर्धकांच्या घरी शिवजयंती समितीचे पदाधिकारी येऊन किल्ल्यांची पाहणी करून जातील व १८ जानेवारीला निकाल जाहीर करून रोख पारितोषिक,प्रमाणपत्र व सन्मानचिन्हांचे वाटप करण्यात येईल अशी माहिती शिवजयंती समितीकडून जाहीर करण्यात आली आहे.
सहभागासाठी संपर्क
अमर रमेश पाटील
तालुका कार्याध्यक्ष
संपर्क:- 9595086366
जितू मोरे शहर कार्याध्यक्ष
संपर्क:- 8625875672
