नांदुरा(प्रफुल्ल बिचारे पाटिल):-
चांदुर बिस्वा (नांदुरा) येथील श्री.प्रल्हाद लक्ष्मण तायडे यांच्या घराला आग लागून घरातील सर्व साहित्य,अन्नधान्य जळून खाक झाले अंगावरील कपडे व्यतिरिक्त श्री.तायडे यांच्या कडे काहीही उरले नव्हते.या कुटुंबाचे खूप मोठया प्रमाणात आर्थिक नुकसान झाले आहे. मलकापूर विधानसभा मतदारसंघाचे आमदार श्री राजेश एकडे यांनी श्री.तायडे यांची भेट घेऊन नुकसानीची पाहणी केली.स्वतः आर्थिक मदत करून अपघातग्रस्त तायडे कुटुंबीयांना तात्काळ आर्थिक मदत उपलब्ध करून देणे बाबत तहसीलदार नांदुरा यांना सूचना केल्या यावेळी नांदुरा नगर परिषदेचे उपाध्यक्ष श्री.लालाभाऊ इंगळे, माजी पंचायत समिती सदस्य श्री.प्रसादभाऊ पाटील,नांदुरा कृषी उत्पन्न बाजार समितीचे नवनियुक्त संचालक (प्रशासक) श्री.गजानन करांगळे,श्री.राम पांडव व गावातील नागरिक प्रामुख्याने उपस्थित होते.
