कारवाईकडे दुर्लक्ष – नगरसेवक सौरभ तिमांडे व राष्ट्रवादी युवक काँग्रेसच्या वतीने मागणी.
ठेकेदाराला लोकप्रतीनिधीचे, महसूल अधिकारी व वाहतूक कर्मचारीचे पाठबळ.
सुप्रीम कोर्टाचे आदेशाचा सुद्धा अवमान महसूल विभाग मधील अधिकारी यांच्या कडून होत आहे.
हिंगणघाट:- २३ मे २०२२
वर्धा जिल्ह्यतील हिंगणघाट व समुद्रपूर तालुक्यातील महसूल विभागाच्या हद्दीमधील खर्डी-पारडी,खुनी,हळदगाव,मांडगाव,शेडगाव इत्यादी रेती घाटावरून अवैध रेती उत्खनन व लोडिंग रेतीची वाहतूक होत असल्याबाबत गटनेता राष्ट्रवादी काँग्रेस पार्टी व जिल्हा नियोजन समिती सदस्य वर्धा, नगरसेवक सौरभ तिमांडे यांच्यावतीने महसूल मंत्री बाळासाहेब थोरात तसेच मुख्य अप्पर सचिव महसूल विभाग व उपविभागीय अधिकारी यांची भेट घेऊन कारवाई करण्यासंबंधी मागणी राष्ट्रवादी युवक काँग्रेसच्या वतीने केली आहे.
तालुक्यात रेती घाटाचे काही ठिकाणी लिलाव झाले असून या लिलाव झालेल्या घाटावरून शासनाने नेमून दिलेल्या नियम निर्देशचे संबधित लिलाव ठेकेदरांकडून पायमल्ली होत असताना दिसत आहे. संबधित रेती उपसा करणाऱ्या ठेकेदाराला लोकप्रतीनिधीचे महसूल अधिकारी व वाहतूक कर्मचारी पाठबळ असल्याने ओव्हर लोड रेतीची वाहतूक शहरातून दिवसा ढवळ्या व रात्री बेधडक पने होत आहे. पण संबधित ओव्हर लोड रेती वाहतूक करणाऱ्या गाड्यावर प्रशासन कडून कुठलीच कारवाई केली जात नसल्याने जनतेत संबधित प्रशासन विरोधात रोष निर्माण होत आहे. या मध्ये काही अवैध रेती तस्कर सुद्धा वाहत्या गंगेत हात धुणे या म्हणी प्रमाणे लिलाव न झालेल्या घाटावरून रेतीची चोरटी वाहतूक करीत आहे व शासनाच्या लाखो रुपयांचा महसूलची हानी करीत आहेत. संबधित रेती उत्खनन करणाऱ्या कडून शासन नियमाचे पालन न होत असल्याने व अवैध रेती उत्खनन करणाऱ्या तस्कराचे प्रमाण वाढून पर्यावरणास हानी पोहचत आहे. पर्यावरणाचा होत असलेले नुकसान बघून व अवैध रेती उत्खनन करणाऱ्या रेती तस्काराच्या मुसक्या आवळण्यासाठी राष्ट्रवादी काँग्रेसचे नगरसेवक सौरभ तिमांडे यांनी पुढाकार घेऊन संबधित महसूल विभाग मधील अधिकारी यांची विभागीय चौकशीसाठी व रेती उत्खनन करणाऱ्या रेती तस्कर वर कारवाई साठी निवेदना देण्यात आले आहे.
हिंगणघाट तालुका जि.वर्धा मधील महसूल विभाग हिंगणघाट यांच्या हद्दीत येत असलेल्या खर्डी पारडी समुद्रपूर तालुक्यातील खुनी,हळदगाव,मांडगाव,शेडगाव इत्यादी या रेती घाटावरून पोकलेन व बोटी द्वारे अवैध रेतीचे उत्खनन केले जात आहे व रेतीचा उपसा शमतेपेक्षा जास्त टिप्परमध्ये भरणा करूज अवैध वाहतूक केली जात आहे. या अवैध रेती उत्खननमध्ये स्थानिक मतदार संघाचे लोकप्रतिनिधी सामील असून लोकप्रतिनिधीच्या दबावामुळे महसूल विभाग मधील कर्मचारी कोणतेही कारवाई करीत नाही.
सदर रेती तस्करी करणारे तस्कर हे बिनधास्त दिवसा ढवळ्या व रात्रीच्या सुमारास रेती वाहतूक करीत आहे. त्यामुळे गावातील नागरिकांना दिवस- रात्र वाहतुकीच्या रहदारीमुळे त्रास सहन करावा लागत आहे. कायद्यापेक्षा कोणी मोठे होऊ शकत नाही. असे असताना रेती उत्खननकरणाऱ्या रेती तस्करान कडून पर्यावरणाचा नाश होत आहे. नदीमधुन पोकलेन व बोटी द्वारे रेतीचा उपसा केल्यामुळे मोठमोठे खड्डे सुद्धा पडले आहे व त्यामुळे त्या खड्ड्यांमध्ये अनेक जीव सुद्धा गेले आहे अशा अनेक घटना नेहमी घडत असते. गावातील नागरिकांनी अनेक वेळा तक्रारी केल्या परंतु दबावात असलेल्या महसूल अधिकाऱ्यांनी दुर्लक्ष करत असल्याचे चित्र दिसत आहे व कोणतीही कारवाई अद्याप केलेली नाही या सर्वांवर कडक कारवाई होणे अत्यंत आवश्यक आहे. स्थानिक महसूल अधिकारी यांनी रेती उत्खनन करणाऱ्या समोर लाचारी पत्करली असून रेती उत्खनन करणाऱ्या रेती तस्करा सोबत लागेबांधे असल्याने कायदा पायदळी तुडवत रेती तस्कर सर्रास पने रेती तस्करी करीत आहे. यामध्ये आर.टी.ओ,खनिकर्म अधिकारी यांच्या संगनमताने ही अवैध तस्करी सुरू आहे.
वेळीच या मोठ्या रेती उत्खनन करणाऱ्या रेती तस्करच्या मुसक्या आवळणयासाठी आपण
आपल्या स्तरावरून योग्य कारवाई करावी. याबाबत सदर सुप्रीम कोर्टाने दिलेल्या आदेशानुसार प्रत्येक रेती घाटावर सी.सी.टीव्ही कॅमेरा बसविणे बंधनकारक असून या सी.सी.टीव्ही कॅमेराचे फुटेज खानिकर्म अधिकारी यांना दर महिन्याला सादर करणे बंधनकारक आहे. असे असताना सुद्धा सुप्रीम कोर्टाचे आदेशाचा सुधा अवमान महसूल विभाग मधील अधिकारी यांच्या कडून होत आहे. संबंधित महसूल विभाग अधिकारी यांची सी.सी.टीव्ही फुटेज बाबत विभागीय चौकशीची मागणी नगरसेवक सौरभ तिमांडे यांनी निवेदना द्वारे केली आहे.सदर निवेदन वर योग्य व निःपक्ष कारवाई करावी.अन्यथा राष्ट्रवादी युवक काँग्रेसच्या वतीने प्रशासना विरोधात जन आंदोलन करण्यात येईल असा इशारा नगरसेवक सौरभ तिमांडे यांच्या वतीने देण्यात आला आहे.
सूर्या मराठी न्यूज साठी सचिन वाघे वर्धा
