शेगाव: खामगाव येथील तहसील कार्यालयात लिपिक असलेल्या महिलेच्या बंद घरात प्रवेश करून अज्ञात चोरट्याने कपाटातील नगदी 25000 सोन्या-चांदीचे दागिने असा एकूण एक लाख वीस हजार रुपयांचा मुद्देमाल लंपास केल्याची घटना येथील देवकी नगर परिसरात आज 12 रोजी उघडकीस आली. याबाबत शेगाव शहर पोलीस सूत्रांकडून मिळालेल्या माहितीनुसार येथील देवकी नगर परिसरात राहणारे संदीप साहेबराव बोर्डे हे त्यांच्या खामगाव तहसील मध्ये लिपिक असलेल्या पत्नीला दाताचा त्रास होत असल्याने अकोला येथील डॉक्टरकडे 11 डिसेंबर रोजी घेऊन गेले होते. त्या ठिकाणी उशीर झाल्यामुळे त्यांनी रात्री अकोला येथे राहणारे त्यांच्या आई-वडिलांकडे त्यांनी पत्नीसह मुक्काम केला. आज 12 डिसेंबर रोजी सकाळी अकोला येथून घरी शेगावला परत आल्यावर त्यांना त्यांच्या घरात तील मागील बाजूचा दरवाजाचा कडी कोंडा तुटलेला दिसला. त्यांनी आज घरात शिरून पाहिले असता त्यांच्या कपाटात चे दार उघडे होते व सामान अस्ताव्यस्त पडलेले दिसून आले त्यांनी निरीक्षण केले असता कपाटात ठेवलेले सोन्या-चे दागिने व नगदी पंचवीस हजार असा एकूण एक लाख वीस हजार रुपयांचा मुद्देमाल अज्ञात चोरट्यांनी लंपास केल्याचे लक्षात आले त्यामुळे त्यांनी शेगाव शहर पोलीस स्टेशनला येऊन वरील प्रमाणे तक्रार दाखल केली या तक्रारीवरून शेगाव शहर पोलिसांनी अज्ञात चोरट्याविरुद्ध कलम 454 457 380 भादवि नुसार गुन्हा दाखल केला आहे. शेगाव शहरामध्ये गेल्या अनेक दिवसापासून चोरीच्या घटना वाढलेल्या दिसत आहेत एकाही चोरी प्रकरणातील आरोपीला अद्याप अटक करण्यात न आल्याने शेगाव शहर पोलिसांच्या कार्यक्षमतेवर प्रश्नचिन्ह निर्माण झाले आहे. शेगाव शहरातून सायकल व दुचाकी चोरीचे ही प्रमाण मोठ्या प्रमाणात वाढले आहे पोलीस विभागाने या बाबीची दखल घेऊन शहरांमध्ये होत असलेल्या चोरीच्या घटने वापरीत पायबंद घालण्यासाठी योग्य ती उपाययोजना करावी अशी मागणी शहरवासीय कडून करण्यात येत आहे
