अनिल सिंग चव्हाण मुख्य संपादक.
चामोर्शी:-दिनांक २० जानेवारी, आज चामोर्शी तालुक्यातील शाळाबाह्य विद्यार्थ्यांच्या शोध मोहिम अंतर्गत पथक क्रमांक १ ने शाळाबाह्य व स्थलांतरित कुटुंबाच्या पालक-विद्यार्थी यांच्या जथ्थ्यावर जाऊन प्रत्यक्ष भेट देऊन शोध मोहीम राबविली.शोध मोहिमेअंतर्गत covid-19 मुळे उद्भवलेल्या परिस्थितीमुळे आपल्या उदरनिर्वाहाच्या कारणामुळे काही कुटुंबाचे स्थलांतरण चामोर्शी तालुक्यात झालेले आहे.त्यामध्ये गडचांदूर व कोदामेढी या गावांतील मोलमजुरी करणाऱ्या पालकांचा समावेश आहे.सदर कुटुंब हि आपल्या पाल्यांना सोबत घेऊन आल्याचे दिसून आले.
शाळा बाह्य विद्यार्थी शोध मोहीमेत चामोर्शीचे गटसमन्वक तथा केंद्र प्रमुख हिम्मतराव आभारे,विषय साधनव्यक्ती चांगदेव सोरते, विवेके केमेकर,घनश्याम वांढरे,कु वंदना चलाख,विशेष तज्ञ सुशील गजघाटे व संसाधन शिक्षक रवी खेवले यांचा समावेश होता.
