महाराष्ट्राच्या भंडारा जिल्ह्याच्या जिल्हा सामान्य रुग्णालयाच्या शिशु केअर च्या युनिटला आग लागल्याने दहा नवजात बालकांच्या होरपळून दुर्दैवी मृत्यू झाला आहे. या घटनांनी पूर्ण भंडारा जिल्हा हादरला असून सर्वसामान्यांच्या मनाला चटका लावणारी घटना शुक्रवारच्या मध्यरात्री दोन वाजे घडली. शिशु केअर युनिट मधून धूर निघत असल्याचे. कर्तव्यावर असलेल्या कर्मचाऱ्यांना दिसला त्यांनी दार उघडून बघितल्यावर आग लागल्याचे समजले असता अग्निशमन दलाला पाचारण करण्यात आले. या शिशु केअर युनिटमध्ये एकूण 17 बालके होती त्यामधून 7 नवजात बालकांना वाचवण्यात यश आले असून दहा बालकांच्या धुरामुळे गुदमरून मृत्यू झाल्याची धक्कादायक घटना घडली आहे. या घटनेने सर्व परिसरात हळहळ व्यक्त होत आहे तर या घटनेची सखोल चौकशी व्हावी अशी मागणी येथील जनतेने केली
