सचिन वाघे वर्धा
हिंगणघाट/दि.३.5.21
तेरा वर्षीय अल्पवयीन बालिकेला लग्नाचे आमिष दाखवून आरोपिने वारंवार बलात्कार केल्याची घटना शहरातील इंदिरा गांधी वार्ड येथे घडली.
उपरोक्त प्रकरणी आरोपी विशाल उर्फ वांढुर वसंत उरवते,वय १९, रा.संत कबीर वार्ड याचेवरती अल्पवयीन बालिकेच्या तक्रारीवरुन बलात्काराच्या कलमान्वये गुन्हा दर्ज करीत अटक केली.
पोलिस तपासादरम्यान आरोपीने अनेक गुन्ह्याची कबुली दिली असून चोरी केलेल्या दोन पल्सर दुचाकी त्याचेकडून हस्तगत केल्या असून हिंगणघाट पोलिसांच्या गुन्हे प्रकटीकरण शाखेने आरोपीला ताब्यात घेतले.
सदर आरोपी हा घरफोडीचा अट्टल गुन्हेगार असून त्याचेवर घरफोडी तसेच मोटरसायकल चोरीचे गुन्हे दर्ज आहेत.
आरोपीने यवतमाळ,
वरोरा,नागपुर,बुटिबोरी इत्यादि ठिकाणी घरफोडी तर हिंगणघाट पांढरकवड़ा येथून दोन पल्सर दुचाकी वाहनचोरी केली आहे.
जीवे मारण्याची धमकी देऊन बलात्कार केल्या प्रकरणी पीडितेने आपल्या आईसह हिंगणघाट पोलिसांत काल दि.२ रोजी तक्रार नोंद केली.
पिडितेचे कुटुंब घरी नसल्याचे पाहुन आरोपीने तिचेवर अनेकदा बळजबरी केली परंतु हे सर्व असह्य झाल्याने पीडितेने घडलेला प्रकार आपल्या आईला सांगितला,अखेर पीडितेने घटनेची तक्रार हिंगणघाट पोलिसांत दाखल केल्यावर गुन्हे प्रकटीकरण शाखेने आरोपिचा शोध घेऊन भादवी कलम ३७६(३),२९४,३२३,५०६ अन्वये कारवाई करीत त्याला गजाआड़ केले.
सदर प्रकरणी उपविभागीय पोलिस अधिकारी पीयुष जगताप,ठाणेदार संपत चव्हाण यांचे मार्गदर्शनाखाली पोलिस उपनिरीक्षक पपीन रामटेके,डीबी पथकाचे पोहवा शेखर डोंगरे,नापोशी निलेश तेलरान्धे,सचिन घेवन्दे,विशाल बंगाले,पोशी सचिन भारशंकर तसेच डीबी पथकाचे विवेक बंसोड़ यांनी कारवाई केली.
