शेगाव प्रतिनिधी अर्जुन कराळे
श्री.संत गजानन महाराजांच्या पुण्यतिथी शताब्दी महोत्सवा पासुन संतनगरीत श्री.गजानन सेवा समितीच्या माध्यमातून उत्सवा निमित्ताने भव्य महाप्रसादाचे आयोजन करण्यात येते मात्र दोन वर्षापासून कोरोना निर्बंधामुळे ह्या आयोजनात खंड पडला होता,आता शासनाने सर्व निर्बंध हटविल्या मुळे रामनवमी उत्सवापासून महाप्रसादाचे आयोजन पुर्ववत सुरू होत आहे.
श्री गजानन सेवा समिती, शेगाव-नागपूर-अकोट ह्या सेवाभावी संस्थेच्या माध्यमातून संतनगरीत शेगाव येथे रामनवमी,प्रगटदिन व ऋषीपंचमी या उत्सवासाठी महाराष्ट्रासह संपूर्ण भारतातुन लाखो भक्त पायदळ दिंडी, व वाहनाने श्रींच्या दर्शनासाठी येत असतात या येणाऱ्या भक्तांना समितीचे वतीने दोन दिवस अखंडपणे महाप्रसादाचे सेवाभावातुन वाटप करीत असते, मात्र गेल्या दोन वर्षापासून कोरोना महामारीमुळे यात खंड पडला होता,आता श्रींच्या आशिर्वादाने सर्व सुरळीत सुरु झाल्याने रामनवमी उत्सवा पासुन दोन दिवशीय महाप्रसादाचे भव्य आयोजन करण्यात येणार आहे
अग्रसेन चौकातील मुरारका जिनात दि. ९ एप्रिल ला सकाळी ८ वा.पासून रामनवमी दि.१० एप्रिलच्या रात्रीपर्यंत अखंड महाप्रसादाचे आयोजन करण्यात आले आहे तरी रामनवमी उत्सवासाठी येणाऱ्या दिंड्या, भाविक भक्त व पंचक्रोशीतील दर्शनार्थींनी या महाप्रसादाचा लाभ घेवुन सेवेची संधी द्यावी असे आवाहन श्री गजानन सेवा समितीच्या वतीने करण्यात आले आहे
