गोंदिया-शैलेश राजनकर
सडक अर्जुनी तालुक्यातील डुग्गीपार पोलीस ठाणेंतर्गत येत असलेल्या सौंदड येथील शेतकर्याचे शेतात असलेल्या धानाच्या पुंजण्याला अज्ञात व्यक्तीने आग लावून जाळल्याची घडना 17 नोव्हेंबरच्या रात्री 12 वाजेदरम्यान घडली. शेतकरी अशोक बनकर यांची शेती राका ते सौन्दड गावच्या मुख्य मार्गावर आहे.त्यातच बनकर यांनी धनाची कापणी करून गंजी तयार करुन ठेवली होती.दिवाळी झाल्यानंतर मशीन द्वारे मळणी करणार होते, मात्र अज्ञात इसमाने 17 नोव्हेंबरच्या रात्रीलाच धानाच्या गंजीला आग लावल्याने बनकर यांचे तब्बल 3 एकराचे पूजंणे जळून खाक झाले. यात अंदाजे शेतकर्यांचे 80 हजार रुपयांचे नुकसान झाले असुन शासनाने भरपाई द्यावी अशी मागणी शेतकरी बनकर यांनी केली आहे. 4 दिवसा अगोदर तिलक चांदेवार यांचे दिड एकराचे पूजंणे जाळण्यात आले तर अमृत पाखमोडे यांच्या सुद्धा धानाच्या पूजण्याला आग लावून पूजणे जळण्याचे प्रयत्न करण्यात आले होते.त्यांचे 2019 मध्ये सुद्धा तब्बल 5 एकर धानाचे पूजने जाळण्यात आले होते, एकंदरीत सौन्दड परिसरात हा पूंजणे जाळ्या आहे तरी कोण त्याचा शोध चालू आहे.