नांदुरा (प्रफुल्ल बिचारे पाटिल ):-
नेहरू युवा केंद्र युवा कार्यक्रम व खेळ मंत्रालयात भारत सरकारच बुलडाणाच्या वतीने संपूर्ण जिल्हाभर कोरोना जनजागृती व जलचक्र जनजागृती अभियानांतर्गत पथनाट्य च्या माध्यमातून कोरोना बद्दल सविस्तर बचाव माहिती आणि पाणी अडवा पाणी जिरवा या दोन ज्वलंत विषयावर पोवड्याच्या माध्यमातून कार्यक्रम सादर करण्यात आला. हा कार्यक्रम छत्रपती शिवाजी महाराजांच्या पुतळ्या जवळ घेण्यात आला असून कोरोनाबाबतचे सर्व शासकीय नियम पाळून हा कार्यक्रम घेण्यात आला.गणेशभाऊ कदम यांच्या संचाने अप्रतिम कार्यक्रम सादर केला. यावेळी नेहरू युवा केंद्र नांदुरा स्वयंसेवक अमर रमेश पाटील,पत्रकार संतोष तायडे व इतर उपस्थित होते.
