शेगांव प्रतिनिधी अर्जुन कराळे
शेगाव : पत्रकारांवरील अन्यायाविरोधात पत्रकारांनी एकसंघ होण्याची गरज आहे. व प्रगतीच्या दृष्टीने वाटचाल होण्यासाठी विकासाभिमुख पत्रकारीता गरजेची आहे.
पत्रकारांच्या अडीअडचणी सोडवून त्याना न्याय मिळवून देण्यासाठी मराठी पत्रकार परिषद सदैव पाठीशी उभी असल्याची ग्वाही राज्य उपाध्यक्ष राजेंद्र काळे यांनी शेगाव भेटीप्रसंगी दिली.
मराठी पत्रकार परिषदेचे राज्य उपाध्यक्ष राजेंद्र काळे, नवनियुक्त जिल्हा पत्रकार संघाचे अध्यक्ष चंद्रकांत बर्दे,मावळते अध्यक्ष अरूण जैन,नितिन सिरसाट, सिध्दार्थ आराख यांचा शेगावात आगमनप्रसंगी शेगाव तालुका पत्रकार संघाचे वतीने सत्कार करण्यात आला.
यावेळी जिल्हा पत्रकार संघाचे माजी कोषाध्यक्ष संजय सोनोने,शेगाव तालुका पत्रकार संघाचे अध्यक्ष राजेश चौधरी, प्रेस क्लब अध्यक्ष अनिल उंबरकार,धनराज ससाने,राष्ट्रवादी काँग्रेसचे जिल्हा उपाध्यक्ष विनोदकुमार साळुंके यांनी मराठी पत्रकार परिषदेच्या पदाधिकारी यांचा सत्कार केला.
