यावल( प्रतिनिधी ) विकी वानखेडे
तालुक्यातील मनवेल येथील कै. सदाजी नाना प्राथमिक व माध्यमिक अनुदानित आश्रमशाळेत भारतीय सैन्य दलातून हवालदार , रेडीओ ऑपरेटर म्हणून १८ वर्षे सेवा बजावून निवृत्त झालेले व मनवेल येथील रहिवाशी असलेले जवान ईश्वर भागवत पाटील यांचा मनवेल आश्रमशाळेचे अध्यक्ष हुकूमचंद पाटील यांच्या हस्ते शाल , श्रीफळ , हार व पुष्पगुच्छ देऊन सत्कार करण्यात आला . मनवेल येथील आयोजीत सत्काराच्या कार्यक्रमाचे अध्यक्षस्थानी संस्थेचे उपाध्यक्ष बी. एल. देशमुख यांनी भूषविले .
कार्यक्रमाच्या सुरुवातीला जवान ईश्वर पाटील यांच्या हस्ते भारतमातेच्या प्रतिमेचे पूजन करण्यात आले . याप्रसंगी उपस्थित शिक्षकांनी मनोगतातून जवान ईश्वर पाटील यांनी देशसेवेच्या भावनेतून केलेल्या कार्याचा गौरव केला . शाळेतील विदयार्थ्यांना सैन्य दलात जायचे असल्यास आपण अशा विद्यार्थ्यांना मार्गदर्शन करेल असे सेवानिवृत्त जवान ईश्वर पाटील यांनी आपल्या मनोगतात सांगितले . यावेळी संस्थेचे अध्यक्ष हुकूमचंद पाटील प्रामुख्याने उपस्थित होते . कार्यक्रमाच्या शेवटी भारताची गानकोकीळा भारतरत्न लता मंगेशकर यांना श्रध्दांजली वाहण्यात आली .
कार्यक्रमाला संस्थेच्या सचिव मीराताई पाटील , खजिनदार अॅडव्होकेट ललित पाटील , सभासद देविदास पाटील , मंगलराव पाटील , शाळेचे प्राथमिक मुख्याध्यापक संजय अलोणे , माध्यमिक मुख्याध्यापक सचिन पाटील , अधीक्षक वसंत पाटील , अधिक्षिका सरीता तडवी यांच्यासह सर्व शिक्षक , शिक्षकेतर कर्मचारी व विदयार्थी उपस्थित होते . कार्यक्रमाचे प्रास्ताविक व सूत्रसंचालन राकेश महाजन तर आभार विजय चव्हाण यांनी मानले .
