(लातूर /निलंगा)प्रतिनिधी
डी एस पिंगळे
महाराष्ट्राच्या राजकारणाची धुरा शिवसेनेचे मुख्यमंत्री उद्धव ठाकरे यांच्याकडे सुपूर्द झाल्यापासून सबंध महाराष्ट्रामध्ये शिवसेनेचे मध्ये नवचैतन्याची लाट निर्माण झाली असून याच धर्तीवर अनेकांनी शिवसेनेमध्ये प्रवेशाचा धडाका सुरू केला आहे याचाच भाग म्हणून आज निलंगा येथे धानोरा गावचे माजी मुख्याध्यापक शिवाजीराव पांढरे यांनी सपत्नीक शिवसेनेमध्ये जाहीर प्रवेश करून शिवसेनेसाठी पूर्णवेळ काम करण्याची इच्छा व्यक्त केली .
आज निलंगा येथील शिवसेनेच्या संपर्क कार्यालयात शिवसेनेचे उपजिल्हाप्रमुख विनोद आर्य तालुकाप्रमुख अविनाश रेशमे शहर प्रमुख सुनील नाईकवाडे शहर संघटक हरिभाऊ सगरे महिला आघाडीच्या तालुका संघटिका रेखाताई पुजारी उपशहर प्रमुख शाहूराज फट्टे महिला शहर संघटिका दैवता सगर यांच्या प्रमुख उपस्थिती मध्ये मौजे धानोरा गावचे माजी मुख्याध्यापक शिवाजीराव पांढरे यांच्या सुविद्य पत्नी सौ सविता शिवाजी पांढरे यांनी आज शिवसेनेमध्ये जाहीर प्रवेश करून शिवसेनेच्या नेतृत्वा सोबत शिवसेनेच्या विचाराने पूर्णवेळ कार्यरत राहण्याचे वचन दिले.
