यावल ( प्रतिनिधी ) विकी वानखेडे
तालुक्यात मानवी आरोग्यास व जिवनास अत्यंत धोकादायक असा गुटका पानमसाला हा कुणाचीही भिती न बाळगता तालुक्यात सर्वत्र सार्वजनिक ठीकाणी सर्रासपणे विक्रीला जात असुन, या कडे संबधीत विभागाचे अर्थपुर्ण दुर्लक्ष होत असल्याची ओरड सर्वत्र करण्यात येत आहे . या विविध ठीकाणी सहज मिळणाऱ्या गुटक्याच्या सेवनामुळे अनेक तरूणांना कर्करोगासारखे गंभीर आजार होवुन त्यांचा दुदैवी मृत्यु होत असल्याचे ह्वदयविदारक चित्र पहावयास मिळत आहे . यावल तालुक्यातील पुर्व व पश्चिम आणी उत्तरे कडील क्षेत्र या भागाला लागुन मध्य प्रदेश व गुजरात राज्यांचे सिमा असुन , याच मार्गावरून अत्यंत छुप्या पद्धतीने तालुक्यात महीन्याला? सुमारे चाळीस ते पन्नास लाख रुपयांच्या विमल गुटक्याची आयात करण्यात येते व नंतर हा गुटका ईतर वाहनाव्दारे तालुक्यातील विविध ठीकाणी विक्रीला पहोचविला जातो व मग तो शहरातील पानटपरीधारक व किराणा व्यवसायीकांना विक्रीसाठी देण्यात येत असतो , कुठली ही रोकठोख न ठेवता खुल्या बाजारात हा गुटका बिनधास्तपणे विकण्यात येत असल्याने अल्पवयीन शाळकरी मुल ,मुली व महीला आणी तरूण या गुटक्याच्या आहारी जावुन आपले जिवन उद्धवस्थ करीत आहे . अन्न व भेसळ प्रतिबंधक खात्याची या गुटका विक्री करणाऱ्यांविरूद्ध मोठी कारवाई यावल शहरात होतांना आज पर्यंत दिसुन येत नसल्याने या गुटका विक्रीच्या परवानगीला त्यांचा देखील अप्रत्यक्ष पाठींबा आहे का असे सर्वसामान्य नागरीकांमध्ये बोलले जात, यावल तालुक्यास प्रथमच लाभलेले कार्यतत्पर आयपीएस अधिकारी आतिश कांबळे यांनी या विषयाकडे लक्ष दिल्यास तालुक्यातुन गुटका विक्रीचा गौरखधंदा हाद्दपार होईल अशी अपेक्षा सर्वसामान्य पालक व नागरीक व्यक्त करीत आहे .
