तहसीलदार महेश पवार यांनी मंडळ अधिकारी व तलाठी यांना दिल्या सूचना
यावल (प्रतिनिधी ) विकी वानखेडे
प्रत्येक मंडळाधिकारी व तलाठ्याने आपल्या कडील पोट खराब जमिनीचे क्षेत्र लागवड योग्य क्षेत्रात समाविष्ट करणे बाबतचा प्रस्ताव गावनिहाय तयार करावा आणि शेतकऱ्यांना देखील या संदर्भात माहिती देऊन शेतकऱ्यांकडून प्रस्ताव मांगवून घेत त्यांना क्षेत्र दुरूस्तीचा लाभ घ्यावा अशा सूचना तहसीलदार महेश पवार यांनी केल्या ते शुक्रवारी येथील तहसील कार्यालयामध्ये मंडळ अधिकारी,तलाठी यांच्या बैठकीत बोलत होते
येथील तहसील कार्यालयात शुक्रवारी मंडळाधिकारी आणि तलाठी यांची आढावा बैठक पार पडली. या बैठकीमध्ये तहसीलदार महेश पवार यांनी तालुक्यातील पोट खराब जमिनीचे क्षेत्र लागवड योग्य क्षेत्रात समाविष्ट करण्यासंदर्भात शासनस्तरावर सुरू असलेल्या मोहिमेत प्रत्येक मंडळाधिकारी व तलाठी यांनी आप आपल्या कार्यक्षेत्रातील प्रस्ताव तयार करण्याच्या सूचना त्यांनी केल्या क्षेत्र दुरूस्ती मोहिम सुरू असुन याचा लाभ शेतकऱ्यांना मिळवून दिला पाहिजे या उद्देशाने तहसिलदारांनी सर्व मंडळ अधिकारी आणि तलाठी यांना सूचना केल्या. त्याचप्रमाणे या बैठकीत तलाठी रेकॉर्ड तपासणी अहवाल, अंतर्गत लेखा वसूली संदर्भात माहिती, तलाठी व मंडळ अधिकारी यांच्या कार्यक्षेत्रातील शासकीय जागा मागणीचा प्रस्ताव, अक्षरी भूमापन क्रमांक असलेल्या गट दुरुस्ती करून अहवाल तपासणी, प्रलंबित फेरफार संदर्भात तलाठी आणि मंडळ अधिकारी स्तरावरील माहिती या बैठकीत घेण्यात आली तसेच डी एस डी गट शंभर टक्के पूर्ण करण्याबाबत सूचना करण्यात आल्या असून चावडी वाचन ची तयारी आप आपल्या स्तरावर प्रत्येकाने करावी अशा सूचना या बैठकीत तहसीलदार महेश पवार यांनी केल्या. या बैठकीत तहसीलदार महेश पवार सह निवासी नायब तहसीलदार आर. के. पवार, मंडळ अधिकारी सचिन जगताप, शेखर तडवी, पी.ए. कडनोर, एम.एच. तडवी, बबीता चौधरी, सह सर्व तलाठी उपस्थित होते.
आजवर ५०८ प्रस्ताव.
यावल तालुक्यातुन आजवर एकुण ५०८ पोटखराब क्षेत्र दुरूस्तीचे प्रस्ताव प्राप्त झाले आहे व त्यांच्या अधिकृती नोंदी करीत सदरील प्रस्ताव भूमिअभिलेख विभागात सादर करण्यात आले आहे.
पोट खराब क्षेत्र दुरूस्तीचा लाभ घ्यावा.
शेतकऱ्यांसाठी आपल्या सातबारावरील पोट खराब क्षेत्राला लागवड योग्य क्षेत्रात समाविष्ट करण्यासंदर्भात राज्य शासनाकडून सुरू असलेल्या मोहिमेत सहभाग घेत क्षेत्र दुरूस्त करून घ्यावे. पोटखराब क्षेत्र दुरूस्त केल्यावर त्याचा पिक कर्ज, शेतातील लोगवडक्षेत्र सह विविध कामी होतो तेव्हा या मोहिमेचा लाभ शेतकऱ्यांना घ्यावा.
महेश पवार, तहसिलदार यावल.
