ग्लोबल स्कॉलर्स फाउंडेशन तर्फे देण्यात येणारा भारतीय सेवा रत्न बेस्ट एन जी ओ अवार्ड या वर्षी विकास सहयोग प्रतिष्ठान या संस्थेला पद्मश्री डॉ. विजयकुमार शहा यांच्या हस्ते संस्थेचे मुख्य कार्यकारी अधिकारी मोहन सुर्वे यांना सन्मानित करण्यात आले.
या सोहळ्याच्या निमित्ताने विशेषत्वाने विदर्भा सारख्या दुष्काळी पट्ट्यामध्ये सात हजार परिसर पोषण बाग तयार करून हि संकल्पना सर्वत्र राबवण्यात येत आहे. या संकल्पनेतून महिलांना लघु उद्योगासाठी सहकार्य व मार्गदर्शन संस्था करत आहे. बुलढाणा, अमरावती येथील शेतकरी यांना शेतीची अवजारे आणि शेतीला पूरक व्यवसाय म्हणून पोल्ट्री व महिला बचत गटांना शेळी पालन व्यवसाय उभे करण्यास वेगवेगळ्या देणगीदार यांच्या कडून आर्थिक सहकार्य उपलब्ध करून देण्यात आले.बुलढाणा मधील मेहकर शेगाव संग्रामपूर जळगाव सारख्या तालुक्यामध्ये पाण्याच्या दुष्काळी परिस्थितीत टँकरने पाणी वाटप करून गावकऱ्यांची तहान भागविली, तसेच मेहकर मधील डोंगरिभागात ३री ते ५वि च्या मुलांसाठी गुणवत्तापूर्ण वर्ग चालवून मुलांना शिक्षणाच्या प्रवाहात टिकवून ठेवले, धारणी येथील डोमा या गावातील आरोग्य केंद्र दुरुस्त करून दिले. शेतीच्या नव नवीन संकल्पनेतून शेंद्रीय शेतीकडे शेतकऱ्यांचे लक्ष केंद्रित करून त्यांचे प्रशिक्षण व मातीची तपासणी करून पाचशे शेतकऱ्यांना निसर्ग शेती करण्यास मदत केली. या कामाचे विशेष कौतुक करण्यात आले.
या कार्यक्रमाला भारतातील जम्मू कश्मीर, आंध्रप्रदेश, उत्तर प्रदेश, बेंगळूरु, पच्छिम बंगाल,पंजाब, हरियाना या राज्या मधून सामाजिक प्रश्नावर काम करणाऱ्या व्यक्ती, संस्था प्रतिनिधी, प्रत्रकार व लेखक मंडळीनी या सोहळ्यात सहभाग घेतला होता.
