गजानन सोनटक्के
प्रतिनिधी जळगाव जा
कोरोनाचा वाढता प्रादुर्भाव जिल्ह्यात आणि राज्यात मोठ्या प्रमाणात वाढत असताना, तो आपल्या पर्यंत येऊ नये याकरिता जळगाव जामोद तालुक्यातील सुनगाव येथे covid-19 च्या वाढत्या प्रादुर्भावा ला रोखण्याकरिता दिनांक 19 एप्रिल रोजी सुनगाव येथे लसीकरण आणि तपासणी करण्याकरिता जास्तीत जास्त नागरिकांनी सहकार्य करून प्रशासनाला सहकार्य करावे अशी विनंती सुनगाव येथील मातोश्री नथिबाई विद्यालयाचे ज्येष्ठ शिक्षक राजाभाऊ कोकाटे यांनी गावामध्ये जनजागृती करताना नागरिकांना केली. गावामधील गल्ली गल्ली मध्ये जाऊन नागरिकांना हात जोडून विनंती करण्यात आली तसेच सुनगाव येथील मिलिंद नगर येथे डॉक्टर बाबासाहेब आंबेडकर पुतळ्याजवळ जाऊन तेथील नागरिकांना लसीकरण आणि तपासणी करून घेण्याकरिता प्रोत्साहित करण्यात आले यावेळी पंचायत समितीचे उपसभापती महादेवराव धुर्डे, गुणवंराव कपले, कृषीमित्र मोहनसिंह राजपूत,पत्रकार राजकुमार भड, गजानन खिरोडकार, गजानन सोनटक्के, गणेश भड,अनिल भगत यांनीसुद्धा गावांमध्ये फिरून कोवीड लसीकरण व तपासणी जास्तीत जास्त नागरिकांनी करून घ्यावी याकरिता सुनगाव येथील नागरिकांना विनंती केली.
