अनिल सिंग चव्हाण मुख्य संपादक
चामोर्शी:-दिनांक २९ डिसेंबर,
गट साधन केंद्र पंचायत समिती चामोर्शी तालुक्यातील केंद्र कोनसरी येथील शिक्षकांची “केंद्रस्तरीय शिक्षण परिषद” जिल्हा परिषदेचे मुख्य कार्यकारी अधिकारी कुमार आशीर्वाद,जिल्हा शिक्षण व प्रशिक्षण संस्था गडचिरोलीचे प्राचार्य डॉ विनित मत्ते,गटशिक्षणाधिकारी नरेंद्र मस्के यांच्या प्रेरणेतून कोनसरी केंद्राची शिक्षण परिषद केंद्र प्रमुख सी एम गोटीपर्तीवार यांच्या अध्यक्षतेखाली संपन्न झाली.
शिक्षण परिषदेच्या उद्घाटक विषय साधनव्यक्ती चांगदेव सोरते होते तर प्रमुख अतिथी प्रथम फाऊंडेशनचे जिल्हा समन्वयक श्रीकांत पावडे, विषय साधनव्यक्ती कु. सरलक्ष्मी यामसनी,संसाधन शिक्षक कु.रिता चव्हाण,मुख्याध्यापिका सहारे,मुख्याध्यापक बळगे व इतर मान्यवर उपस्थित होते.
शिक्षण परीषदेमध्ये शिक्षकांची नोंदणी,बालभवनातील साहित्यांचे सादरीकरण,मागील परीक्षेतील स्तरनिहाय विद्यार्थ्यांचे गट तयार करून सुलभन,फुलोरा संबंधित शिक्षकांना येणाऱ्या समस्यावर चर्चा,शिक्षकांना विद्यार्थी स्तर बदलविण्याकरीता केलेल्या विविध बाबींवर सादरीकरण, विषय साधनव्यक्ती यांनी केलेल्या निरीक्षणावर चर्चा,केंद्रप्रमुख यांचे प्रशासकीय विषय,आधार कार्ड
शा पो आ चे मागील वर्षीचे खाते क्रमांक,सुवर्ण महोत्सवी शिष्यवृत्ती,नवोदय विद्यालय फार्म,संकलित चाचणी,विविध उपक्रम,विविध योजना,भौतिक सुविधाचे ठराव इत्यादीबाबत माहिती देण्यात आली.
शिक्षण परिषदेचे सुलभक केंद्र प्रमुख गोटीपर्तीवार,विषय साधनव्यक्ती चांगदेव सोरते,कु.यामसनी,चव्हाण, मुख्याध्यापक बडगे,जुवारे,कु पेंदाम,बालमवार,सहारे मॅडम,बुरगुटे यांनी मार्गदर्शन केले.
परिषदेचे सूत्रसंचालन प्रदीप सेडमेक यांनी केले,प्रास्ताविक कोडापे मु अ कढोली,आभार प्रदर्शन तलांडे यांनी मानले.
शिक्षण परिषदेच्या यशस्वीतेसाठी कोनसरी केंद्रातील सर्व मुख्याध्यापक व शिक्षक यांनी मोलाचे सहकार्य केले.
