नांदुरा(प्रफुल्ल बिचारे पाटिल):-
बुलढाण्याचे आमदार संजय गायकवाड यांनी पंतप्रधान नरेंद्रजी मोदी आणि माजी मुख्यमंत्री तथा विरोधी पक्षनेते देवेंद्रजी फडणवीस, प्रदेशाध्यक्ष चंद्रकांतजी पाटील, विधान परिषद विरोधी पक्षनेते प्रवीणजी दरेकर यांच्या विरुद्ध अवमानकारक व गलिच्छ असे वक्तव्य केले असून नांदुरा शहर व तालुका भाजपाच्या वतीने आज सोमवार, दि. १९/०४/२०२१ रोजी आ. संजय गायकवाड यांचा पुतळा जाळून त्यांच्या विकृत वक्तव्याचा तीव्र जाहीर निषेध करण्यात आला. आ. संजय गायकवाड यांनी केलेल्या वक्तव्याबाबत त्यांच्यावर गुन्हा दाखल करण्यात यावा अशा आशयाचे निवेदनही यावेळी नांदुरा शहर पोलीस स्टेशनला नांदुरा शहर व तालुका भाजपाच्या वतीने देण्यात आले.
आज मा. पंतप्रधान नरेंद्रजी मोदी हे भारताच्या सर्वोच्च पदावर कार्यरत आहेत. माजी मुख्यमंत्री देवेंद्र फडणवीस हे सुद्धा राज्याच्या सर्वोच्च पदावर राहून गेलेले असून आज विरोधी पक्षनेते या संवैधानिक पदावर कार्यरत आहेत. तसेच प्रदेश अध्यक्ष चंद्रकांतजी पाटील, विधान परिषद विरोधी पक्षनेते प्रवीणजी दरेकर हे सुद्धा विधिमंडळ विरोधी पक्षनेते आहेत. त्यांच्या विरोधात ज्या तुच्छ व असंवैधानिक भाषेचा वापर केल्या गेला ती भाषा आ. संजय गायकवाड यांची काय पात्रता आहे हे दाखवून देत आहे. आमदार असताना कसं बोलावे याबाबत त्यांना प्रशिक्षित करण्याची गरज असल्याची भावना याप्रसंगी नांदुरा शहर व तालुका भाजपा पदाधिकारी व कार्यकर्ते यांनी व्यक्त केली. स्वतः सत्ताधारी पक्षाचे आमदार असताना संजय गायकवाड यांनी असे वक्तव्य करणे पूर्णतः चुकीचे असून त्यांच्यावर कारवाई होणे गरजेचे आहे. राज्य सरकारने काहीच न करता केवळ आपली निष्क्रियता लपविण्यासाठी केंद्राकडे बोट दाखवून स्वतःचे अपयश झाकण्याचा प्रयत्न सत्ताधारी राज्य सरकार करीत आहे. कोरोना प्रतिबंध करण्यासाठी कोणत्याही प्रभावी उपाययोजना विद्यमान राज्य सरकारने केल्या नाहीत. कोणत्याही आरोग्य सुविधा देण्यास राज्य सरकार निष्प्रभ ठरले. आतापर्यंत व्हेंटिलेटर केंद्राने दिले, PPE किट केंद्राने दिल्या, लॉकडाऊन मध्ये प्रत्येकाला मदत देण्याचा प्रयत्न केंद्राने केला. राज्य सरकारने फक्त केंद्राकडे बोट दाखविण्यापेक्षा काहीही केले नाही. तरी सुद्धा सत्ताधारी राज्य सरकार हे केंद्र सरकार व भारतीय जनता पक्ष यांच्या नावाने बोटे मोडत आहे. ज्या भारतीय जनता पक्षाच्या भरवशावर त्यांच्या पक्षाचे लोक आमदार खासदार झाले त्यांनीच भाजपाला खालच्या पातळीवर बोलणे म्हणजे कृतघ्नतेचा कळसच म्हणावा लागेल, असे मत यावेळी नांदुरा शहर व तालुका भाजपा पदाधिकाऱ्यांनी व्यक्त केले.
यावेळी प्रमुख उपस्थितांमध्ये संतोषभाऊ मुंढे अध्यक्ष नांदुरा तालुका भाजपा, श्यामभाऊ राखोंडे अध्यक्ष नांदुरा शहर भाजपा, सौ.अर्चनाताई पाटील अध्यक्षा नांदुरा तालुका महिला आघाडी, सौ.सारिकाताई डागा अध्यक्षा नांदुरा शहर महिला आघाडी, सौ.प्रज्ञाताई लासुरकर सचिव भाजपा बुलडाणा जिल्हा,भाजपा नेते व नगरसेवक सुधीरभाऊ मुर्हेकर,भाजपा जेष्ठ नेते शंकरसा ताकवाले, दत्ताभाऊ सुपे जिल्हा उपाध्यक्ष भाजपा, जगन्नाथभाऊ डांगे, गजाननभाऊ पाटील सरचिटणीस नांदुरा तालुका, गणेशभाऊ भोपळे, गजाननभाऊ चरखे, नितीन लहाने सरचिटणीस नांदुरा शहर, रोशन पांडव युवा मोर्चा नांदुरा शहर, विजयभाऊ अढाव पाटील जिल्हाउपाध्यक्ष भाजयुमो बुलढाणा, प्रमोदभाऊ हिवाळे उपाध्यक्ष भाजपा नांदुरा शहर, प्रभाकरभाऊ वानखडे पंचायत समिती सदस्य, प्रशांतभाऊ वडोदे, विनोदभाऊ देशमुख, निळकंठभाऊ भगत, अविनाशभाऊ इंगळे, कैलासभाऊ डांगे, उमेश शंकरसा ताकवाले बुथ मंडल प्रभारी नांदुरा शहर, शैलेशभाऊ मिरगे बुथ मंडल प्रभारी नांदुरा तालुका, लक्ष्मण झांबरे, अमोल डाहाके, अनिलभाऊ इंगळे, सौ.ज्योतीताई तांदळे संयोजिका बेटी बचाओ बेटी पढाओ, सौ.लताताई ठोंबरे, बाळुभाऊ लासुरकर, नाना खर्चे, विश्वकर्मा मुर्हेकर, रविभाऊ डंबेलकर, विनायक वाकेकर, किसना रहाटे, करनकार भाऊ, रविंद्र खंडारे, ऋषीकेश इंगळे, संजयभाऊ घाटे, व तोलामोलाचे भाजप कार्यकर्ते उपस्थित होते.
